“ახლა მე რომ დავურეკო ფალავანდიშვილს, ვაიმე ტომარაძე მლანძღავს და პოსტი ააღებინე-მეთქი… სასაცილოა” – კახა კუკავა

პოლიტიკოსი კახა კუკავა ზვიად ტომარაძის ბრალდებას პასუხობს:

“ზოგადად უიშვიათესად ვპასუხობ ჩემს მიმართ კრიტიკას საჯაროდ, მაგრამ.. დღეს დილიდან ზვიად ტომარაძე ავრცელებს რაღაც სისულელეს, რომ ჩემი დაკვეთით დავით ჭაბუკაშვილი წერს მის წინააღმდეგ პოსტებს 🙂 (ტომარაძეს საერთოდ არ ვიცნობ პირადად, არც არანაირი ურთიერთობა არ მქონია არასდროს და არც გაცნობის სურვილი). ძალიან კორექტულად დავუწერე კომენტარი მისსავე გვერდზე, რომელიც დაბლოკა, ამიტომ იძულებული ვარ აქ გამოვაქვეყნო:

“არა ცილი-სწამო მოყუასსა შენსა წამებითა ცრუჲთა”. დღეს დილით დამირეკა ზვიად ტომარაძემ და მომიყვა საკმაოდ ვრცლად, რომ ქონდა რაღაც ურთიერთობა ჩვენს მხარდამჭერ დ. ჭაბუკაშვილთან და შემდეგ მოუვიდათ ინციდენტი, რაზეც ჭაბუკაშვილმა დაწერა მწვავე პოსტი. ზვიადმა მთხოვა დაელაპარაკე დათოს ნუ გამლანძღავსო. შევწუხდი ადამიანურად, დავურეკე დათოს და ვთხოვე პოსტიდან არაკორექტული თუ კი რამე იყო, ამოეღო და ჩავაყენე ამის შესახებ საქმის კურსში ზვიადი (what’s up-ზე). ამაზე ზვიადმა წამიყენა ულტიმატუმი თუ მთლიანად არ წაშლის პოსტს ჭაბუკაშვილი შენ დაგაბრალებ ყველაფერსო ? მე არ ვიკადრებ პირადი მიმოწერის უნებართვოდ გამოქვეყნებას და თუ ზვიადი თანახმა იქნება ეს მიმოწერა არსებობს და შეგიძლიათ გაეცნოთ. ახლა ამ ყველაფერს ქვია რომ ჩემი დაკვეთით დაწერა ჭაბუკაშვილმა რაც დაწერა?! (საუბრობდა რომ ერთი დიდი აქცია ჩავატაროთ იძულებითი ვაქცინაციის წინააღმდეგ და არა ბევრი და ცალ-ცალკეო)? ზოგადად ყოფით სიტუაციებში უფრო ჩანს ვინ რა კაცები ვართ და რა მორალის მატარებელი, ვიდრე ტრიბუნაზე შემომდგარი საუბრისას. PS: რაც შეეხება დავით ჭაბუკაშვილს, ჩემზე უფროსიცაა, უფრო გრძელი გზაცა აქვს გავლილი, 20 წელი გაატარა პირველი პრეზიდენტის ერთგულებისთვის ემიგრაციაში და თუ ვინმეს გონია რომ ჩემი დავალებით წერს პოსტებს, ისეთივე სასაცილოა, როგორც ახლა მე რომ დავურეკო ფალავანდიშვილს, ვაიმე ტომარაძე მლანძღავს და პოსტი ააღებინე-მეთქი”.

PS: ეს “პოსტის წაშალე!” ხომ საერთოდ ახალი ლიბერალური ვირუსია და არანაირი მნიშვნელობა არა აქვს ცუკერბერგი აკეთებს ამას, კინწურაშვილი თუ ტომარაძე..”