ნაცმოძრაობის ირგვლივ გრძელდება “მისტიური დამთხვევების” სერიალი – დავით ქართველიშვილი

“ნაცმოძრაობის ირგვლივ გრძელდება “მისტიური დამთხვევების” სერიალი.
სასიყვარულო სერიებს – სააკაშვილისა და გახარიას ერთ ქვეყანაში, ერთ ქალაქში, ერთ სასტუმროში, ერთ სართულზე, ერთ ნომერში და ერთ საწოლში ( სააკაშვილის აღიარებით) ერთდროულად “შემთხვევით” მოხვედრის თაობაზე, სამწუხაროდ დეტექტიური ჟანრი ცვლის და რაც მთლად სამწუხარო, არა დადგმული, არამედ რეალური მსხვერპლით,” – ასე ეხმაურება ანალიტიკოსი დავით ქართველიშვილი მეგის ქარავას საქმის მოსამართლის გარდაცვალების ფაქტს.

მისი ინფორმაციით, გამოძიება მკვლელობის რამდენიმე სამოტივაციო ვერსიას განიხილავს, მათ შორის შურისძიებას მეგის ქარდავას ეპიზოდთან დაკავშირებით.„პარასკევს მეგის ქარდავას საექსტრადაციო პატიმრობა შეუფარდა კიევის პეჩორას რაიონული სასამართლოს მოსამართლე ვიტალი პისანეცმა, ხოლო მეორე დღეს იგი მეგობრის სახლში იპოვეს გარდაცვლილი. გამოძიება მიმდინარეობს “განზრახ მკვლელობის” მუხლით, ხოლო თვითმხილველთა ჩვენებები იმდენად აბსურდულია, რომ გადმოცემითაც არ მოგაწყენთ.

არსებული ინფორმაციით, გამოძიება მკვლელობის რამდენიმე სამოტივაციო ვერსიას განიხილავს, მათ შორის, “შურისძიებას” მეგის ქარდავას ეპიზოდთან დაკავშირებითაც.
 ერთი რამ კი უდავოა – ნაცმოძრაობა და “შემთხვევითობა” სიცოცხლისათვის და პოლიტიკურადაც, ძალზე სახიფათოა,” – წერს დავით ქართველიშვილი სოციალურ ქსელში.