ნაცმოძრაობის ქუთაისის მერობის კანდიდატი ხატია დეკანოიძე პოლიციის განყოფილებაში დაიბარეს.
დეკანოიძის თქმით, საქმე ეხება ვანში, გაერთიანებული ოპოზიციის მერობის კანდიდატის, ბადრი მებურიშვილის წარდგენაზე მომხდარ ინციდენტს.
„იყო სიტყვიერი შეურაცხყოფა და შემდეგ უკვე ხელჩართულ მუშტი-კრივზე გადავიდა ვიღაც 2 ადამიანი. როგორც ჩვენთვის ცნობილია, ერთი არის კონკრეტულად ადგილობრივი სსიპ-ის ან ააიპ-ის ხელმძღვანელი. მეორე არის კრიმინალური ავტორიტეტი ვანში, რომელიც 2012 წლამდე იყო დაკავებული. გულწრფელად გეტყვით, არავითარი რეაგირების იმედი არ მაქვს, მაგრამ არ დავტოვებ არც ერთ ფაქტს რეაგირების გარეშე. ყველაფერს გაეცემა პასუხი“, – განაცხადა დეკანოიძემ.
შეგახსენებთ, რომ ხატია დეკანოიძის თქმით, ვანში მერობის კანდიდატის წარდგენაზე ე.წ კრიმინალური ავტორიტეტები და საბიუჯეტო ორგანიზაციაში დასაქმებული პირები მიუგზავნეს, რომლებსაც ადგილზე პროვოკაციის მოწყობა სურდათ.
კომენტარები