„ჩემთვის არანაირი მნიშვნელობა არ აქვს, ვინ აღმოჩნდება ხელისუფლებაში, სააკაშვილი იქნება, მელია, ხოშტარია, ჯაფარიძე თუ ნათელაშვილი, არავისადმი არ მაქვს ნდობა, როდესაც ამხელა ძალაუფლებაზეა საუბარი,“ – განაცხადა „გირჩი-მეტი თავისუფლებას“ ლიდერმა ზურაბ ჯაფარიძემ „მთავარი არხის“ ეთერში გადაცემაში „მთავარი დებატები.“
ჯაფარიძის ინფორმაციით, ოპოზიციაში არსებობს შეთანხმება არ დაუშვან ერთპიროვნული მმართველობა.
„ამ ადამიანთან კონკრეტულად, ნიკა მელიასთან მაქვს ასეთი შეთანხმება, რომ ის იქნება ჩემს გვერდით ამ ბრძოლაში. ანუ ნებისმიერი, ვინც ეცდება ძალაუფლება ხელში ჩაიგდოს, ჩვენ დავუპირისპირდებით ერთად. ამაზე ვართ შეთანხმებული და ეს არის ერთადერთი გამოსავალი,“- ამბობს ზურაბ ჯაფარიძე.
მისი თქმით, მსგავსი ფაქტების თავიდან ასაცილებლად, აუცილებელია არსებული სისტემების შცვლა.
„სისტემები გვაქვს შესაცვლელი ისე, რომ ვინც უნდა მოვიდეს ხელისუფლებაში, ვერავინ ჩაიგდოს ხელში ერთპიროვნული ძალაუფლება, რადგან ძალაუფლება საშიში რამეა.
მიუხედავად იმისა, რომ მე ორგანულად მეზიზღება ძალაუფლება , საკუთარ თავს არ ვენდობი მაგხელა ძალაუფლებით ხელში.
დებილები ხომ არ ვართ, რომ კიდე ვიღაც ერთპიროვნული მმართველი მოვიყვანოთ სააკაშვილი იქნება თუ სხვა იქნება და მერე იმასთან იყოს საომარი,” – განაცხადა ზურაბ ჯაფარიძემ.
კომენტარები