ფედერალური უწყებების თანამშრომლებს ვაქცინაციისთვის 75 დღე ეძლევათ, წინააღმდეგ შემთხვევაში, მათ სამსახურიდან გათავისუფლება დაემუქრებათ. ამის შესახებ თეთრი სახლის ოფიციალურმა წარმომადგენელმა, ჯენ ფსაკიმ განაცხადა.
ჯენ ფსაკის განმარტებით, შეზღუდული გამონაკლისი გაკეთდება კანონით დადგენილი მიზეზების გამო.
„თუ ფედერალური მუშაკი ვერ შეასრულებს მოთხოვნას, ისინი სტანდარტულ პროცედურას გაივლიან, რომელიც მოიცავს კონსულტაციასა და დისციპლინურ ქმედებას. თითოეული სააგენტო თანამშრომლებთან იმუშავებს, რათა დარწმუნდეს, რომ მათ ესმით ვაქცინაციის სარგებელი და რამდენად ფართოდ ხელმისაწვდომია ის“, – აღნიშნა თეთრი სახლის ოფიციალურმა წარმომადგენელმა.
დღეს აშშ-ის პრეზიდენტი, ჯო ბაიდენი ხელს მოაწერს განკარგულებას, რომელიც ფედერალური უწყებების თანამშრომლებისთვის ვაქცინაციას სავალდებულოს გახდის.
კომენტარები