“ფანჩატურის ოპოზიცია” არასოდეს აღიარებს იმ არჩევნების შედეგს, რომელშიც ის დამარცხებულია – ზაალ ანჯაფარიძე

ანალიტიკოსი ზაალ ანჯაფარიძე სოციალურ ქსელში ვადამდელი არჩევნების თემას ეხმიანება.ანალიტიკოსი მიიჩნევს, რომ ოპოზიცია თვითმმართველობის არჩევნების ნებისმიერ შედეგს გააპროტესტებს.

„ის რომ “ფანჩატურის ოპოზიცია” ვადამდელ არჩევნებს ითხოვს, მართალია სხვადასხვა დოზით, გასაგებია. თუმცა გაუგებარია იმათი არგუმენტაცია, ვინც თითქოს არ არის მიბმული პარტიულ დღის წესრიგთან, მაგრამ მაინც თვლიან, რომ ვადამდელი არჩევნები უნდა ჩატარდეს, იმის მიუხედავად რა შედეგი დადგება ადგილობრივ არჩევნებზე. ანუ აიღებს თუ არა “ოცნება” 43%.”არგუმენტი” რომ ვადამდელი არჩევნები უნდა ჩატარდეს იმიტომ, რომ “ფანჩატურის ოპოზიცია” ადგილობრივი არჩევნების შედეგებს მაინც არ აღიარებს, ისეთივე ანტიკონსტიტუციური და შესაბამისად მიუღებელია, როგორც ვადამდელი არჩევნების მიბმა საკრალურ 43%-ზე.რატომ არ ესმით ამ ხალხს, შინ თუ გარეთ, რომ “ფანჩატურის ოპოზიცია” არასოდეს აღიარებს იმ არჩევნების შედეგს, რომელშიც ის დამარცხებულია,” – წერს ზაალ ანჯაფარიძე.

მისი თქმით, არავინ ინტერესდება რა ელის ქვეყანას ვადამდელი არჩევნების შედეგად. ეს კი სულ ცოტა მორიგი პოლიტიკური და სახელისუფლებო კრიზისის მაუწყებელია.
„რაც მთავარია, ეს ხალხი დაახლოებითაც კი არ გვეუბნება იმას, თუ რა ელის ქვეყანას ვადამდელი არჩევნების შედეგად? კონსტიტუციური განვითარების ციკლიდან ამოვარდნა და კოალიციური მუშაობის გამოცდილების არქონის გამო, მორიგი პოლიტიკური და სახელისუფლებო კრიზისი რომ ელის, ეს ხომ გარანტირებული აქვს! ცოტაა?“ -წერ ზაალ ანჯაფარიძე.