“ბანკში შეჭრილ მამაკაცს ხელყუმბარა აქვს?” – რას წერს ადგილობრივი მედია

კახეთის მედიაცენტრი ინფორმაციას ავრცელებს და წერს:

ყვარელში „საქართველოს ბანკის“ ფილიალში სავარაუდოდ შეიარაღებული პირი შეიჭრა და სავარაუდოდ მძევლები აიყვანა.

გავრცელებული ინფორმაციით, ბანკში რამდენიმე თანამშრომელი და მომხმარებელი იმყოფება. ასევე ვრცელდება ინფორმაცია, რომ ბანკში შეჭრილ მამაკაცს აქვს ხელყუმბარა.

მედიაში ვრცელდება ინფორმაცია რომ დაახლოებით 12 ადამიანია მძევლად აყვანილი.

შეგახსენებთ, შსს-ს განცხადებას:

,,თავდასხმის შესახებ შეტყობინების მიღებისთანავე პოლიციის თანამშრომლებმა, მყისიერი რეაგირების რეჟიმში შემოსაზღვრეს შემთხვევის ადგილის მიმდებარე ტერიტორია. ამჟამად ადგილზე მობილიზებული სამართალდამცველები ატარებენ ყველა საჭირო და გადაუდებელ ღონისძიებას, ასევე მიმდინარეობს საგამოძიებო და ოპერატიული ღონისძიებები. შინაგან საქმეთა სამინისტრო მოუწოდებს მედიის წარმომადგენლებს – დაიცვან უსაფრთხოების ნორმები და დაემორჩილონ ადგილზე პოლიციელთა მითითებებს”