“ნაციონალური მოძრაობის” თავმჯდომარის, ნიკა მელიას განცხადებით, გასაკვირი არაფერია იმაში, რომ ყოფილ პრეზიდენტს, მიხეილ სააკაშვილს საქართველოში დაბრუნება სურს.
მელიას განცხადებით, თუ სააკაშვილს დააკავებენ ამით ქვეყანაში მნიშვნელოვნად ნეგატიური არაფერი მოხდება.
“ადამიანი ამბობს, რომ მინდა იქ ყოფნა, როცა ვგრძნობ, რომ ქვეყნისთვის არის უმნიშვნელოვანესი ეტაპი და არ მინდა, რომ საკუთარ თავთან მქონდეს შიდა პიროვნული კონფლიქტი. აქ მნიშვნელოვანია, რომ ეს უკიდურესად მშვიდობიანად მოხდეს, რათა ხელისუფლებას არ მიეცეს პროვოკაციის შესაძლებლობა.
გასაგებია, რომ ხელისუფლება საუბრობს დაკავებაზე. და რა მერე, რომ დააკავებენ, ამით ქვეყანა დაინგრევა თუ რა მოხდება? ამათ ხელში ციხეში ჯდომა, პირდაპირ გეუბნებით, რომ პატივია. მე დაკავებით მხოლოდ გავძლიერდი. მე დარწმუნებული ვარ, რომ ვერ ერთი პატრიოტი ადამიანი ბიძინა ივანიშვილის სატუსაღოში დიდი ხნით ვერ გაჩერდება,” – განაცხადა ნიკა მელია.
კომენტარები