ნიუ-იორკში სატვირთო კონტეინერებისგან შექმნილი სახლი 5 მილიონ დოლარად იყიდება. ამის შესახებ გამოცემა New York Post-ი წერს.
21 სატვირთო კონტეინერისგან შემდგარი სახლი 2016 წელს ლუდის რესტორან Spuyten Duyvil-ის მფლობელებმა, ჯო და კიმ კეროლებმა ააშენეს. მიწის ნაკვეთი, რომელზეც სახლი დგას, მათ 2010 წელს 699 ათას დოლარად შეიძინეს.
სახლის პროექტი არქიტექტორულმა კომპანია LOT-EK-მა შექმნა. სახლი ოთხსართულიანია, მას აქვს 5 საძინებელი, კაბინეტი, რამდენიმე ტერასა, სახლის კინოთეატრი და ბუხარი. სახლის საერთო ფართობი 325 კვადრატული მეტრია.
გამოცემა The Real Deal-ი კონტეინერებისგან შექმნილ სახლს ბრუკლინში გასაყიდად გამოტანილ ყველაზე ძვირადღირებულ უძრავ ქონებას უწოდებს.
კომენტარები