საავტომობილო გზების დეპარტამენტი მოძრაობის შეზღუდვის შესახებ განცხადებას ავრცელებს და მძღოლებს აფრთხილებს.
უწყების ცნობით, ბათუმი(ანგისა)-ახალციხის მონაკვეთზე 8-9 სექტემბერს მოძრაობა დროებით შეიზღუდება.
“შიდასახელმწიფოებრივი მნიშვნელობის ბათუმი (ანგისა)-ახალციხის საავტომობილო გზის 143-ე კილომეტრზე წინა დღეებში მოსული ნალექის გამო, გზაზე არსებული წყალგამტარი მილი ამოივსო და ვერ ატარებს წყალს.
აღნიშნული მილის გაწმენდის ღონისძიებების გამო, ამ მონაკვეთზე 2021 წლის 8 სექტემბრის 18:00 საათიდან 9 სექტემბრის 08:00 საათამდე აკრძალულია ყველა სახის ავტოტრანსპორტის მოძრაობა.
ავტოტრანსპორტის მოძრაობა გადაერთვება შიდასახელმწიფოებრივი მნიშვნელობის ადიგენი-უდე-არალის საავტომობილო გზაზე.
აღნიშნული რეჟიმით მოძრაობა განხორციელდება შსს-ს შესაბამისი რეგიონალური ქვედანაყოფების უშუალო ზედამხედველობით და კოორდინაციით”, – აღნიშნულია ინფორმაციაში.
კომენტარები