სომხეთში ახალი ტიპის კორონავირუსი ბოლო 24 საათის განმავლობაში 645 ადამიანს დაუდასტურდა. ჯამში, ქვეყანაში COVID-19-ით ინფიცირებულთა რიცხვმა 246 410-ს მიაღწია. ამის შესახებ ქვეყნის ჯანდაცვის სამინისტროს დაავადებათა კონტროლისა და პრევენციის ეროვნულ ცენტრში განაცხადეს.
ინფექციის გავრცელებიდან დღემდე კორონავირუსით სულ 4 954 ადამიანი გარდაიცვალა, მათ შორის 15 გასული დღე-ღამის განმავლობაში. ამას გარდა, 1 167-ის გარდაცვალების მიზეზად სხვა დაავადებები დასახელდა.
სომხეთის ჯანდაცვის სამინისტროს მონაცემებით, კორონავირუსისგან 230 291 პაციენტი გამოჯანმრთელდა, ხოლო 11 165 ამ დრომდე მკურნალობს.
კომენტარები