მოუგებს თუ არა, გახარია ივანიშვილს? – “საინტერესო რამ უნდა გავიხსენო”

პარტია “საქართველოს” ლიდერი, გიორგი გახარია, “ტვ პირველთან” ამბობს:

“როდესაც ვიყავი პრემიერი, შსს მინისტრი, თავისუფლება მქონდა გადაწყვეტილებების მიღებაში, ჩემ გადაწყვეტილებებში არავინ ერეოდა. ჩემ ხმას თავისი ფასი ჰქონდა. როგორც კი ვნახე რომ ეს შეიზღუდა და რასაც ვთვლიდი საჭიროდ ქვეყნისთვის ის ვერ გავაკეთე – გადავდექი.

როდესაც პოლიტიკოსი ამბობს, რა მნიშვნელობა აქვს 1 პროცენტს ავიღებ, თუ 90- პროიცენტს, რიგგარეშე არჩევნები არ იქნება. ადამიანების ამბიცია ავიდა კოსმოსში და თვლიან, რომ საქართველოს მოქალაქეზე უკეთ იციან, რა არის საქართველოს მოქალაქისთვის კარგი და რა – ცუდი.

ბიძინა ივანიშვილს გიორგი გახარია კი არ მოუგებს, სახელებს მნიშვნელობა არა აქვს, საქართველოს მოქალაქე მოუგებს. საქართველოს მოქალაქეში არის უიმედობის, უსამართლობის აღქმა გამყარებული. არაპროგნოზირებადი გარემოა. ხომ არ გგონიათ, საქართველოს ამომრჩეველს ფეტიშები ახასიათებს? – არა. ერთხელ გაძლევს შესალებლობას, მეორედ, მესამედ და შემდეგ ისე გაძლევს პასუხებს, როგორც ჩათვლის სამართლიანად. მარტო მე კი არ ვგრძნობ ამას, ესეც გრძნობენ, ეს ბოსებიც.

ჩემი ამომრჩეველია ქოციც, ნაციც და კიდევ სხვებიც, ცოტანი არ არიან, გარწმუნებთ.

ძალიან საინტერესო რამ უნდა გავიხსენო… გახსოვთ ოცნება გამოვიდა, გახარია დადის რეგიონებში და იძახის, ბიძინას კაცია და გვართმევს ხმებს და მოღალატე ამიტომ დავუძახეთო. სამეგრელოში ვიყავი ახლა და ხალხი ამბობდა ჩვენ 41 ნომერს ვაძლევთ ხმას, გიორგი გახარიასო… პირიქით არის, ხედავთ…”