“დაგარეგისტრირე მეორე აცრაზე… ერთჯერ აცრილმა კოვიდპასპორტი აიღე…” – გვარამია ღარიბაშვილს

“მთავარი” არხის დირექტორი, ნიკა გვარამია:

Irakli Garibashvili იუსტიციის მინისტრთან ერთად პირდაპირ ეთერში რომ დანაშაული ჩაიდინე, დოკუმენტი გააყალბე და ერთჯერ აცრილმა სრულად აცრილის კოვიდპასპორტი აიღე, მერე ვილაპარაკოთ ამაზე.

ახლა შენს კოვიდ უსაფრთხოებას მივუბრუნდეთ. აგერ, დაგარეგისტრირეთ მეორე აცრაზე. დროზე მიდი, არ დაგაგვიანდეს, რიგი არ გაუშვა. კამერებიც მოვლენ და მაქედანაც ჩემზე ილაპარაკე, თუ აცრის წინ თავის გასამხნევებლად გჭირდება.”

“ალია” აქვე გეტყვით იმასაც, რომ ჩვენ რამდენჯერმე უკვე გადავამოწმეთ რეგისტრაციის საიტის სისწორე – ორჯერადად აცრილი თანამშრომელის დარეგისტრირება ვცადეთ, დაარეგისტრირა ერთი შეხედვით, დაგვიდასტურა, თუმცა, ხოტა ხანში მივიღეთ მესიჯი, რომ ის უკვე აცრილია ორჯერადად და ვაქცინაციით ვერ ისარგებლებს.

მოგვიანებით, საქართველოს მთავრობის ადმინისტრაციის სტრატეგიული კომუნიკაციების დეპარტამენტის უფროსმა ნინო გიორგობიანმა განცხადება გაავრცელა:

,,დღეს ერთ-ერთმა ტელეკომპანიამ “სკანდალური” ამბავი აცნობა საზოგადოებას და მორიგი ფეიკ ნიუსი გაავრცელა იმის შესახებ, რომ თითქოსდა პრემიერ-მინისტრმა დანაშაული ჩაიდინა და კოვიდბარათი გააყალბა, ამ დანაშაულის ამსახველი მასალა კი მისმა პრესსამსახურმა პირადი კამერით გადაიღო და საჯაროდ გაავრცელა. არადა ძალიან მარტივი იყო იუსტიციის სახლის გვერდზე ინფორმაციის გადამოწმება, სადაც ნათლად წერია, რომ კოვიდბარათის მიღება შეუძლია როგორც სრულად, ისე ერთჯერადად ვაქცინირებულ პირს.

ნებისმიერ პირს შეუძლია იუსტიციის სახლებსა და საზოგადოებრივ ცენტრებში აიღოს COVID 19 ბარათი, რომელშიც მოცემულია შემდეგი ინფორმაცია: ვაქცინაციის სტატუსი, ბოლო pcr კვლევის შედეგი, ინფიცირების სტატუსი ბოლო 6 თვე. ბარათი გაიცემა უფასოდ.

ამავე ტელეკომპანიამ პრემიერ-მინისტრის ნებართვის გარეშე მისი პირადი მონაცემები უკანონოდ გამოიყენა და ვაქცინაციის პორტალზე თვითნებურად დაარეგისტრირა. ეს სამარცხვინო ქმედებაც, ისევე როგორც გავრცელებული ტყუილი “გაყალბებულ” კოვიდბარათზე, არც ჟურნალისტურ და არც ადამიანურ სტანდარტში არ ჯდება!”