“ნაციონალი ხარ, ამიტომ ვერ გიტანთ და არ გაგახარებთო, მაგინებენ” – დამოუკიდებელ კანდიდატს მეზობლები თავს ესხმიან

გორში საკრებულოს დამოუკიდებელ დეპუტატს, ირმა ამბარდნიშვილს, ფიზიკურად გაუსწორდნენ. 

დეპუტატი “პირველებთან” ჰყვება, რომ თავს სამი მეზობელი დაესხა, მიაყენეს სიტყვიერი და ფიზიკური შეურაცხყოფა. 

საკრებულოს წევრი დარწმუნებულია, რომ თავდასხმა პოლიტიკური ნიშნით მოხდა, რადგან მისივე მტკიცებით, სავარაუდო მოძალადეები მის საქმიანობაზე მიანიშნებდნენ. საკრებულოს წევრი სამართალდამცველებს უყურადღებობაში ადანაშაულებს, ამბობს, რომ თავდასხმის შემდეგ ადგილზე პოლიცია გამოიძახა, თუმცა გომელაურის უწყების თანამშრომლებმა რეაგირება არ მოახდინეს. 

საკუთარ სახლში ცხოვრებას, ეკონომიკურ საქმიანობას მიკრძალავენ. რამდენჯერაც დალევენ, ასეთი ამბები ხდება. 

მაგინებდნენ, რომ თურმე ნაციონალი ვარ, ამბობდნენ, რომ ამიტომ ვერ მიტანენ და არ გამახარებდნენ. მე არ წარმოვადგენ ნაციონალურ მოძრაობას, დამოუკიდებელ კანდიდატად ვაპირებდი არჩევნებში მონაწილეობას” – ამბობს ამბარდნიშვილი. 

მისი თქმით,  აგრესიული მეზობელი, რომელიც მას გაუსწორდა, პოლიციის კანონიერ მოთხოვნასაც არ დაემორჩილა. 

ფეხზეც კი არ წამოდგა, ეუბნებოდა, რომ 16 წელი იჯდა ციხეში”- თქვა დეპუტატმა. 

წყარო – ტვ პირველი