“ეს არის ბრძოლა პირადი მოსამართლეებისათვის !!! სამსხვერპლოზე კი ჩვენ მიგვიტანეს !!!” – ლორთქიფანიძე

პოლიტოლოგი, ლევან ლორთქიფანიძე:

“სასამართლო სისტემასთან დაკავშირებით ევროკავშირისა და საქართველოს მოსახლეობის პოზიციები სრულად ემთხვევა ერთმანეთს.

სახელისუფლებო პარტიის რადიკალ მხარდამჭერებს შორისაც კი არ მეგულება ადამიანი, რომელიც აღფრთოვანებულია სასამართლო იერარქიაში ჯალათების, ყველაფერზე ხელის მომწერების, ყველა მთავრობის ქვეშევრდომად ნამუშევარი კლანის დაწინაურებით, მათთვის შეუზღუდავი და სამუდამო ძალაუფლების მინიჭებით.

თუ ეს ქვეყანა გიყვარს, ალბათ, თავდაუზოგავად უნდა შრომობდე, რომ სასამართლოს მუშაობის ხარისხი გაუმჯობესდეს, სისტემა უფრო მეტად ანგარიშვალდებული გახდეს ხალხის წინაშე და გირგვლიანის მკვლელი მსაჯულების თვითნებობის ნაცვლად, ხელი შეუწყო მაღალი რანგის პროფესიონალი მოსამართლეების დამოუკიდებლობას.

მაგრამ “ქართული ოცნებისთვის” ქვეყნის განვითარებაზე მნიშვნელოვანნი კიდევ ერთხელ აღმოჩნდნენ მურუსიძე, ჩინჩალაძე და სხვა ნაძირლები, რომლებიც ჯერჯერობით მზად არიან ყველანგან და ყოველთვის ყურმოჭრილი მონებივით დაემორჩილონ ხელისუფლებას.

მმართველი ძალის თავზეხელაღებულობა იქამდე მივიდა, რომ მანტიამოსხმულ ბოროტმოქმედთა გადარჩენის მიზნით არ ერიდებათ ევროკავშირთან ურთიერთობების გაფუჭება. კამიკაძეები საშინელი ეპიდსიტუაციის ფონზე უარს ამბობენ 75 მილიონიანი დახმარების მიღებაზე, რომლის ამოცანაც გახლდათ “საქართველოს მოსახლეობის კოვიდპანდემიასთან გამკლავებაში დახმარება”. ეს თანხები საქართველოს მოსახლეობის კეთილდღებას უნდა მოხმარებოდა, ამათმა კი უარი თქვეს, რადგან პირადად მათ არ სჭირდებათ ისე ძალიან !!!

სასაცილოა, ნათია თურნავას მსგავსი ღვთის პირიდან გადავარდნილი ადამიანების მტკიცება, რომ 75 მილიონიან დახმარებაზე უარის თქმით ვალების აღებას ერიდებიან. წლებია ვალების აღების მეტი არაფერი გაუკეთებიათ, მომავალშიც ვალების აღებით აპირებენ ფონს გასვლას და თურმე ამ ერთი 75 მილიონიანი დახმარების უკან მიგდებით სურთ საფინანსო პოლიტიკის ცვლილება. საფინანსო მდგომარეობის გამოსწორებას ეკონომიკური პოლიტიკის ცვლილება სჭირდება და არა ერთ კონკრეტული მაკროფინანსურ დახმარებაზე უარის თქმა.

ხალხო, არ დაიჯეროთ ღარიბაშვილისა და კობახიძის ანტიკოლონიალისტური ბრძოლის შესაძლებლობა, გამორიცხულია !!! ეს არის ბრძოლა პირადი მოსამართლეებისათვის !!! სამსხვერპლოზე კი ჩვენ მიგვიტანეს !!!”