ბევრს დავდივარ უცხოეთში და ყველა პოლიტიკოსი მეუბნება, რომ საბოლოოდ ჩამოუყალიბდათ აზრი ,,ოცნებაზე” – საქართველოს მესამე პრეზიდენტი ,,ქართული ოცნების” ბოლო გადაწყვეტილებას აფასებს. მიხეილ სააკაშვილის თქმით, ევროპელი და ამერიკელი პოლიტიკოსები ჩვენი ქვეყნის ხელისუფლებას უკვე ღიად აკრიტიკებენ. სააკაშვილი აცხადებს, რომ ,,ოცნებამ’ საქართველო გააღატაკა და პასუხს ამის გამო მალე მიიღებს.
ყველა ჩემი კონტაქტი ევროპელ და ამერიკელ პოლიტიკოსებთან იყო მცდელობა ქართველების დახმარების, რომელშიც ესენი მიშლიან ხელს. ვუშოვე ვაქცინები ევროპაში, ამათმა დარეკეს, არ გვინდაო. ვუშოვე თვითმფრინავები ხალხის დახმარებისთვის, გახარია იყო მაშინ პრემიერი, უთქვენოდაც ყველაფერს გავაკეთებთო. რაში მჭირდებოდა ჩემი მცდელობა, რომ ამათ შეუჩერონ დახმარება? ღარიბაშვილის დანახვა საკმარისზე მეტია იმისათვის, რომ ყველას ჩამოუყალიბდეს თავისი აზრი.
ბევრს დავდივარ, ვხვდები ევროპარლამენტარებს. ბოლო ვიზიტის დროს ბრიუსელში ევროკომისიის ერთ-ერთმა მაღალჩინოსანმა მითხრა, რომ ღარიბაშვილი არის კლინიკური იდიოტიო.
,,მჟავე იყო ეს ყურძენი და მომტეხდა კბილებსაო”- ასეთია ივანიშვილის და მისი მთავრობის დამოკიდებულება ევროკავშირთან. ვინ აძლევდა ყურძენს, ვეღარ მიწვდნენ, ვეღარც მიწვდებიან ეს მართლა ოროსნები. რა თქმა უნდა, იტყუებიან, ეს არის ევროკავშირის უფასო ფული, რომელსაც აღარ აძლევენ, იმიტომ რომ იღებენ 5-ჯერ მეტი პროცენტით ევროკრედიტებს, გააღატაკეს ბიუჯეტი, ორჯერ გაზარდეს საგარეო ვალი, ვიდრე ჩემს დროს იყო, ორჯერ გაზარდეს სიღარიბე და უმუშევრობა, ორჯერ დააგდეს ვალუტის კურსი და ევროკავშირის დახმარების არმიღების შემდეგ ვალუტის კურსი უფრო დაეცემა, უმუშევრობა კიდევ უფრო გაიზრდება.
რა თქმა უნდა, ამათ ეს დახმარება არ უნდა მიიღონ, რადგან ეს თანხა მთლიანად მათ ჯიბეებში მიდის და არაფერი არ აღწევს ქართველი ხალხთან.
ესენი ცდილობენ, საბოლოოდ ჩამოგვაშორონ ევროპას და რუსულ ჭაობად გვაქციონ. ჩვენსა და ევროპას შორის არ უნდა იდგნენ ეს ყაჩაღები.
საქართველო იქნება წარმატებული და განვითარებული ქვეყანა – აცხადებს მიხეილ სააკაშვილი.
კომენტარები