“შემდეგ სამ კვირაში, პირველი 50 ყველაზე ინოვაციური იდეის ავტორს, ვეპატიჟები ძალიან საინტერესო კონფერენციაზე უკრაინაში, – ამის შესახებ სოციალურ ქსელში წერს საქართველოს მესამე პრეზიდენტი მიხეილ სააკაშვილი. სააკაშვილი აცხადებს კონკურსს “ინოვაციური იდეა საქართველოს მომავლისთვის”.
მისი თქმით, ბევრად უფრო მდგრადი ინსტიტუტები უნდა შეიქმნას და რაც ახლა საქართველოში ხდება, დაგვრჩება წარსულში, როგორც საშინელი სიზმარი.
„წრე აქვთ შეკრული და თუ ამ წრის ნაწილი არ ხარ, ეგრევე გვერდზე გწევენ.. ჩემი აზრით, ერთადერთი გამოსავალი აქედან არის სოციალური ლიფტის შექმნა და დაბრუნება საქართველოში, უნდა იყოს სოციალური მობილურობა, რომ ადამიანი, ვინც არ არის დაკავშირებული კლანით არავისთან, ვინც არის განათლებული, ნიჭიერი, შრომისმოყვარე და შრომისუნარიანი, ის სწრაფად იზრდებოდეს, ის იკავებდეს თანამდებობას ნიჭის და მერიტოკრატიის თვალსაზრისით.. და არა იმის მიხედვით, ვისთან არის დაკავშირებული..
მინდა ასეთი რამ გავაკეთო:ვაცხადებ კონკურსს და ტელევიზიას ვიყენებ ამისთვის..შემდეგ სამ კვირაში, პირველი 50 ყველაზე ინოვაციური იდეის ავტორს, ვეპატიჟები ძალიან საინტერესო კონფერენციაზე უკრაინაში, სადაც მინდა დავათვალიერებინო მათ ბევრი რაღაც, მინდა შევახვედრო ძალიან ბევრ ვიღაცას, მინდა მე თვითონ შევხვდე მათ..
გამოგვიგზავნეთ ეკრანზე მითითებულ მისამართზე 50 ყველაზე ინოვაციური იდეა..რისთვის გვინდა ეს?
ეს იქნება 50 ყველაზე ინოვაციური იდეა საქართველოს მომავლისთვის და გვინდა იმისთვის, რომ ამ ხალხს მე მივცემ აუცილებლად რეკომენდაციას, მიუხედავად მათი პარტიული კუთვნილებისა, მიუხედავად მათი წინა მოღვაწობისა..
თუ თქვენ ხართ საინტერესო, თუ თქვენ გაქვთ იდეები, თუ თქვენ იცით, რა უნდა ჩვენს ქვეყანას და როგორ უნდა გამოვიდეთ ამ ჭაობიდან, სადაც ვიმყოფებით, სხვადასხვა სფეროებში სრულიად, გახსნილი ვართ ამისთვის..
იდეები კონკურსის სახით შეირჩევა და ჩვენ ნამდვილად არ დავუკარგავთ არავის ნიჭს.. სახელებს და გვარებს არ შევხედავთ, შევხედავთ მათ იდეებს.. ჩამოგიყვანთ უკრაინაში, დავილაპარაკოთ ჯერ აქ და შემდეგ გააგრძელეთ საქმიანობა, გავაგრძელებინოთ ამ ადამიანებს საქმიანობა საქართველოს მომავალ ხელისფლებაში.
ეს არის ნამდვილი მერიტოკრატია..50 ქართველს ინოვაციური იდებით ველოდებით უკრაინაში ძალიან საინტერესო პროგრამაზე და ძალიან საინტერესო დიალოგებს მოგიმზადებთ..მინდა, რომ ვილაპარაკოთ მხოლოდ მომავალზე..ეს ყველაფერი, რაც ახლა ხდება, დაგვრჩება წარსულში, როგორც საშინელი სიზმარი..ბევრად უფრო მდგრადი ინსტიტუტები უნდა შევქმნათ..და მე ჩემს ფუნქციას ვხედავ, როგორც ხიდს თქვენთვის”.. – წერს მიხეილ სააკაშვილი
კომენტარები