“ღირსეული მოძღვარი გამოაკლდა ეკლესიას” – პატრიარქი

საქართველოს კათოლიკოს-პატრიარქი ილია მეორე დეკანოზ აკაკი მეგრელიშვილის გარდაცვალების გამო მწუხარებას გამოთქვამს:

“დიდად ვწუხვართ დეკანოზ აკაკი მეგრელიშვილის გარდაცვალების გამო. მისი სახით ერთ-ერთი ღირსეული მოძღვარი გამოაკლდა საქართველოს ეკლესიის სამღვდელო დასს.

განსწავლული, მამობრივად მზრუნველი, გულითადი ადამიანი, – ასეთად ემახსოვრებათ იგი სასულიერო პირებსა და სასულიერო აკადემიის პედაგოგებს, სტუდენტებსა და მრევლს, ოჯახის წევრებსა და ახლობლებს.

აღვავლენთ ლოცვებს მისი უკვდავი სულისათვის, რათა უფალმან აცხოვნოს იგი და სავანესა მართალთასა დააწესოს, ამინ!”

ცნობისთვის, კორონავირუსს 52 წლის დეკანოზი აკაკი მეგრელიშვილი ემსხვერპლა.