იტალიაში 750 000-ზე მეტმა ადამიანმა ევთანაზიის ლეგალიზაციის მოთხოვნით პეტიციას მოაწერა ხელი. ინფორმაციას The Local ავრცელებს.
მომდევნო წელს, ქვეყანაში, შესაძლოა, ჩატარდეს რეფერენდუმი კანონში ცვლილებების შეტანის შესახებ.
მოქმედი კანონის თანახმად, ყველას, ვინც სხვა ადამიანს თვითმკვლელობაში ეხმარება, 5-დან 12 წლამდე აღკვეთა ემუქრება.
რეფერენდუმის მხარდამჭერები აცხადებენ, რომ თუ კანონმდებლობაში ცვლილებები შევა, ამით სწორედ ის ავადმყოფები “იხეირებენ, რომლებსაც ტანჯვის დასასრულება სურთ”
შეგახსენებთ, შვეიცარიაში დაშვებულ ნორმად მიიჩნევა ევთანაზია. მეტიც, ადამიანები, რომელთა ქვეყნებშიც ევთანაზია აკრძალულია, შვეიცარიაში სწორედ იმისთვის მიდიან, რომ ეს პროცესი იქ განახორციელონ. შვეიცარიის მთავრობის აზრით, აუცილებელია შეზღუდვის დაწესება, რაშიც მოიაზრება მხოლოდ იმ ადამიანების მოკვდინება, რომელთაც ნამდვილად სჭირდებათ ეს. შვეიცარიის კანონმდებლობა ხაზს უსვამს იმას, რომ ევთანაზია არ უნდა იქცეს ბიზნესად შვეიცარიის კლინიკებისთვის და უნდა დაწესდეს აკრძალვის რაიმე ფორმა.
საქართველოს კანონმდებლობით ისჯება პირი რომელიც მიმართავს ევთანაზიას და უშუალოდ ახორციელებს აღნიშნულ პროცესს. ევთანაზიაზე საუბრისას ასევე მხედველობაში მისაღებია საქართველოში აღიარებული „კანონი პაციენტის უფლების შესახებ“, რომლის თანახმად თუ პაციენტს გამოთქმული აქვს ნება სიცოცხლის შეწყვეტის თაობაზე, ექიმს უფლება ეძლევა შეუწყვიტოს მას მკურნალობა და გამორთოს აპარატიდან.
კომენტარები