ტომ კრუზი გაქურდეს – რა მოპარეს ქურდებმა მსახიობს?

ჰოლივუდის მსახიობი ტომ კრუზი გაქურდეს. ინფორმაციას ბრიტანული გამოცემა The Sun ავრცელებს.

ქურდებმა მსახიობის დაცვის თანამშრომლის მანქანა – BMW X7  მოიპარეს. მედიის ინფორმაციით, მსახიობის დაცვის წევრის მანქანის ღირებულება 100 ათასი სტერლინგია.

სამართალდამცავებმა მოპარული მანქანა ელექტრონული თვალთვალის სისტემის დახმარებით იპოვეს, მაგრამ მანქანაში დატოვებული მსახიობის ნივთები და თანხა, ქურდებმა წაიღეს.

მედიის ცნობით, დაკარგული ნივთების ღირებულება ათას დოლარად შეფასდა.

ქურდობა ბრიტანეთის ქალაქ ბირმინგემში მოხდა.