ქაბულის აეროპორტთან აფეთქების შედეგად სულ მცირე 60 ადამიანი დაიღუპა და 140 დაშავდა. ინფორმაციას CNN ავღანეთის ჯანდაცვის სამინისტროზე დაყრდნობით ავრცელებს.
პენტაგონში აცხადებენ, რომ დაღუპულებს შორის 12 ამერიკელი სამხედროა, 15 კი დაიჭრა.
ქაბულის აეროპორტთან ორი აფეთქება მოხდა.
მთელი დღის განმავლობაში დასავლეთის ქვეყნები აფრთხილებდნენ ქაბულში მყოფ მოქალაქეებსა და ავღანელებს, რომ მოსალოდნელი იყო ტერაქტი და მოუწოდებდნენ ხალხს, აეროპორტში არ მისულიყვნენ. ტერაქტის მიუხედავად, აშშ აცხადებს, რომ ევაკუაცია გაგრძელდება და, დაახლოებით, ავღანეთში ამერიკის 1000 მოქალაქე რჩება.
კომენტარები