“შეაჩერე კორუფციას” თანადამფუძნებელი, ქეთევან ენუქიძე:
“დომინოს რომ თამაშობს ორი ტიპი და თამაშის დასრულების შემდეგ ქვებს ერთმანეთში ურევენ, ზუსტად ეგ სჭირს პოლიტელიტას…
მეუბნებიან, კარგია ხელისუფლებას შემომწყრალი ტიპები ოპოზიციის მარაქაში რომ ერევიანო;
იქ გამდიდრებულები აქეთ რომ გამორბიან და ისევ ხელისუფლებას უმიზნებენ ოპოზიციური ხმების და იქ ნაშოვნი ფულის წყალობითო…
მაგრამ ჩემი შეზღუდული გონებით ვერ ვხვდები ვისთვის და რისთვისაა ეს კარგი?
ხელისუფლებაში, ერთი ნაგვის ნაცვლად, მეორე ნაგავი რომ მოვიდეს?
ვითომ ფერში (ცისფერი vs წითელი) ჰგონიათ პრობლემა?
მთავარი მიზანია და საშუალებები – ჯანდაბას?
ვისთვის?
მე ჯიუტად არ მაინტერესებს, ოპოზიციის კონკრეტული ლიდერები იქნებიან თუ არა ხელისუფლებაში, თუ ამ მწვერვალზე გატურტლულები ავლენ და მორალურ უპირატესობას დაკარგავენ…
ნუთუ თვითონ ჰგონიათ, რომ ამისთვის დაიწყვიტა ხალხმა ნერვები?
ვითომ, ფიქრობენ, რომ ვბედნიერდებით ამათი ლივლივით უაღრესად დაბინძურებულ ქართულ პოლიტიკაში და ჩვენი თვითმიზანი ამათი უკანალებისათვის რბილი სკამების მოპოვებაა?
მე დავკარგე ზღვარი ხელისუფლებასა და ოპოზიციას შორის…
ზღვარი ჩინოვნიკურ და პარტიულ იერარქიებს შორის;
ნათესაურ-მეგობრულ-გავლენის წრეებსა და ნეპოტიზმს შორის…
არავის ვახვევ ჩემს აზრს თავზე და მეც ნურავინ მომახვევს…
ფრაზა – “დღეს ეს საუკეთესო გზაა” – გულს მირევს…
პატივი ეცით იმ ადამიანების გონებას, რომლებსაც ამ გზაზე ბევრჯერ უნახავთ თქვენი დაცემა, წამოდგომა კი – არც ერთხელ…
პ.ს. მართლა აღარ ვიცი, ვის უნდა მივცე ხმა…
ალბათ, თვალებს დავხუჭავ და ისე შემოვხაზავ”
კომენტარები