“პატიმართა რაოდენობით მესამე ადგილზე რომ ვართ ევროკავშირში, ეს ქართული გენეტიკის ბრალი არ არის…” – ადვოკატის წერილი

ადვოკატი, ნათია ჩხეტიანი:

“პატიმართა რაოდენობით მესამე ადგილზე რომ ვართ ევროკავშირში, ეს ქართული გენეტიკის ბრალი არ არის. ნასამართლობა არის დამღა. ისინი ვეღარ ცხოვრობენ სრულფასოვნად, ვინც ცხოვრობს,დანაშაულს ან არ ჩადის, ან ძალიან იშვიათად.

,,ადრე თუ გასამართლებულხართ?

არასოდეს გავსამართლებულვარ,

რადგან უწინ ჩვენ ვცხოვრობდით…”

ლევ ტოლსტოი-,,აღდგომა”.

მართლმსაჯულება შეიქმნა ცხოვრება წართმეული, თავზე უკუღმა ცარგვალდატრიალებული დაბალი ფენის დასამორჩილებლად, დასაშინებლად, სამართავად. კანონი ყოველთვის იყო და იქნება შერჩევითი, რადგან მართლმსაჯულებას ჯერ არ შეცვლია ძირითადი – სანახაობრივი დანიშნულება, ამიტომაც ის არის საჯარო, როგორც თეატრი.

საჯარო სანახაობრივი მართლმსაჯულება!

,,ქურდებად, მკვლელებად არ იბადებიან, ცხოვრება აქცევს ყველას ასეთად”.

მართლმსაჯულება განსჯის დაბალი ფენის წარმომადგენლებს. ძლიერნი ამა ქვეყნისანი, ნამდვილი დამნაშავეები-განიკითხავენ, ითვისებენ, ნარკოტიკებით ვაჭრობენ, კლავენ სათითაოდ ან ერთიანად ჟლიტავენ და მათ არავინ განსჯის. წვრილმანი კანონდამრღვევნი ცხოვრებას ამთავრებენ ციხეში.

მართლმსაჯულების სამართლიანობის ნათელი მაგალითი კაცობრიობის ისტორიაში იუდას ამბორიდან იწყება.”