საიტზე manifest.ge ვრცელდება პეტიცია, სახელწოდებით: “თხოვნა პატრიარქს აცრის შესახებ”
პეტიციის ავტორია, ილიას სახელმწიფო უნივერსიტეტის ასოცირებული პროფესორი, თამაზ გაბისონია.
“თქვენო უწმინდესობავ და უნეტარესობავ,
ვითხოვთ კურთხევას.
საქართველოში დღეს არსებული უმძიმესი პანდემიური სიტუაციის გამო მოგმართავთ უმორჩილესი თხოვნით, კერძოდ:
გთხოვთ, როგორც მზრუნველმა მამამ, მისცეთ კეთილისმყოფელი მაგალითი თქვენს მრევლს და ჩაიტაროთ კოვიდ19-ის საწინააღდეგო ვაქცინაცია;
დარწმუნებული ვართ, ამ თხოვნის საპასუხო თქვენმიერი წყალობის შემთხვევაში საქართველოს მოსახლეობას, რომლის დიდი უმეტესობა თქვენ გენდობათ, ანტიკოვიდური ვაქცინაციისადმი ნდობა კარდინალურად შეეცვლება უკეთესობისკენ და ქვეყანა ამოისუნთქავს ამ ჭირისაგან – კოვიდპანდემიისაგან.
თქვენო უწმინდესობავ, მართალია, სინოდის დადგენილება არ ითვალისწინებს საპატრიარქოს მხრიდან ვაქცინაციის სარგებლიანობის პროპაგანდას, მაგრამ ჩვენ მაინც ასევე გთხოვთ, პიროვნულად მოუწოდოთ მოსახლეობას, რომ ანტიკოვიდური ვაქცინაცია არ შეიცავს რაიმე სახიფათო რელიგიურ ელემენტს და მოსახლეობის ჯანმრთელობის მასობრივად შენარჩუნებისათვის დღეს იგი უებარი წამალია. ჩვენ გვახსოვს თქვენი ადრინდელი მოწოდებები, რომლებიც ასევე არ იყო უშუალოდ რელიგიური ხასიათისა, მაგრამ წაადგა საქართველოს მოსახლეობას – თქვენს მრევლს სწორი პრიორიტეტების დასახვაში.
გისურვებთ ჯანმრთელობას.
გმადლობთ ყურადღებისათვის.
ვითხოვთ დალოცვას.”
თამარ გაბისონია
კომენტარები