„ნაციონალური მოძრაობის“ წევრი, ამჟამად აშშ-ში მცხოვრები კობა სუბელიანი, სოციალურ ქსელში, წერს:
“გუშინ, ფერისცვალებას, სამებაში წირვაზე ვისაც არ ქონდა აცრის დამადასტურებელი ცნობა ან პისიარის ტესტი მღვდლები, დიაკვნები, სტიქაროსნები ყველა დაითხოვეს საკურთხევლიდან და გამოუშვეს გარეთ.
მეტი კიდევ რა უნდა მოხდეს რომ დარწმუნდეთ აცრის აუცილებლობაში?
აიცერით და გადაირჩინეთ თავი.
p.s გილოცავთ ფერისცვალებას.”
კომენტარებში წერენ:
“საკურთხეველში ეშინიათ მარტო.”
“უწმინდესის წირვის დამსწრეებმა აუცილებელია რომ აიღონ პისიარ ტესტი.”
“პატრიარქი ხომ არ წირავდა მაგ დროს?”
“ჯერ არ აიცრათო და ახლა ყველა დაითხოვეს-მაინც კარგია,იქნება ასე მაინც მიხვდნენ ქლიავები,რომ ატყუებდნენ მამაოები?!”
“თავს უფრთხილდებიან, მაგრამ უჩუმრად, მრევლმა არ გაიგოს და არ მიბაძოს. მრევლი-გაწყდეს, თვითონ -გადარჩნენ.”
“ე.ი საკურთხეველში არ უშვებენ და გარეთ არ აიტრესებთ რა ხდება, ხალხია მაგარი გამოშტერებული ხალხი”
“ალია” კომენტარისთვის დაუკავშირდა საპატრიარქოს პრესსპიკერს, დეკანოზ ანდრია ჯაღმაიძეს.
ანდრია ჯაღმაიძე:
“ვერ გეტყვით, არ ვიყავი გუშინ სამებაში წირვაზე”
“ალია” დაუკავშირდა სამების სტიქაროსანს, რომელსაც, ბევრად მეტი ინფორმაცია ჰქონდა, ვიდრე საპატრიარქოს პრესსპიკერს.
სტიქაროსანი:
“ზოგადად დეკემბრიდან მოყოლებული ყოველკვირა აკეთებენ ტესტირებას და ვისაც არა აქვს ტესტი გაკეთებული მსახურებაში მონაწილეობას არ იღებენ. რაც შეეხება ვაქცინას, აცრა ნებაყოფლობითია, არავის არაფერს ავალებენ და არც ლაპარაკობენ ზოგადად”
კომენტარები