ზაფხულის და მთელი წლის ყველაზე ცხელი თვე საუკეთესო დროა დასასვენებლად, სხვადასხვა აქტივობებში ჩართვით თუ სამოგზაუროდ. მაშინ, როცა ოფისებში კონდინციონერის გაგრილების ნიშნულს სულ უფრო დაბლა ვუწევთ და მინიმალურზე ჩამოგვყავს, ჩვენი მოლოდინები ამის პროპორციულად მაღლა იწევს, სანამ მაქსიმალურ ნიშანს არ მიუახლოვდება. აგვისტო ნამდვილად არის ახალი აღმოჩენების და თავგადასავლების პერიოდი, რასაც ქვეყნის შიგნით არსებული უამრავი სანახავი ადგილი უზრუნველყოფს, თუმცა შეიძლება შეზღუდული გრაფიკიდან გამომდინარე ყველაფრის ნახვა ვერ შევძლოთ, ამიტომ მნიშვნელოვანია წინასწარ ვიცოდეთ სად უკეთ დავისვენებთ. შვებულების დაგეგმვისას უპირველესად მნიშვნელოვანია განვსაზღვროთ როგორი ტიპის დასვენება გვინდა – საკუთარ თავს აგვისტოში პლაჟზე რუჯის მისაღებად წამოკოტრიალებულებს ვხედავთ თუ ნისლიანი მთების გაოცებული სახით შემყურეს. აქედან გამომდინარე, ჩნდება საჭიროება, წინასწარ ვიცოდეთ რა ალტერნატივები გვაქვს და სად შეიძლება ჩვენი თავისთვის გამოყოფილი დრო მაქსიმალურად ეფექტიანად დავხარჯოთ. სტატიაშიც ზუსტად ამაზე გესაუბრებით და განვიხილავთ ყველაზე პოპულარულ ადგილებს, სადაც შესაძლებელია შვებულება მშვენივრად გაატაროთ.
ბათუმი
წელს, ისევე, როგორც წინა წელს და იმის წინა წელს და ზოგადად ნებისმიერ წელს, ზღვისპირეთი ყველაზე პოპულარული ადგილია, ამიტომაც მუდამ ბევრი ადამიანი სტუმრობს ხოლმე. ზღვისპირა სხვა კურორტებისგან განსხვავებით, ბათუმი გამორჩეული ქალაქია, რადგან აქ შეგიძლია ისიამოვნო როგორც ზღვაში ბანაობით, ასევე, საღამოს სხვადასხვა ადგილების სტუმრობით და თუ ღამის ცხოვრებაც გიზიდავთ, დამიჯერეთ, ნამდვილად არ მოიწყენთ. აქ ნებისმიერი ადამიანი პოულობს თავის წილ გასართობს – ფოტოგრაფებისთვის ზღვა და ქალაქის ინფრასტრუქტურა, თავისი მონუმენტებით ნამდვილად შთაგონების წყაროა, ვისაც ცურვა უყვარს, იმ ადამიანებისთვის ნამდვილად სამოთხეა, ხოლო ვინც აქტიური ცხოვრების სტილით ცხოვრობს მათთვისაცაა ბათუმი საინტერესო, შეიძლება სკეიტით მთელ ქალაქი მოიარო, ან თუ ველოსიპედები უფრო გიზიდავს, არც ამაზეა პრობლემა, ღამით კი ქალაქი არასდროს იძინებს და ერთი დღე მაინც აუცილებელად უნდა დაათვალიერო ღამის ბათუმი.
მაღალმთიანი აჭარა
თუ ზღვაც და მთაც ერთნაირად გიზიდავს, მაშინ შეგიძლია შენი მოგზაურობა ორ ნაწილად გაყო და ჯერ ზღვაზე რუჯი მიიღო, შემდეგ კი აჭარის მაღალმთიან ადგილებს ესტუმრო. განსაკუთრებით გამორჩეული ადგილი კურორტი ბეშუმია, რომელიც თავისი მისტიკურობით ნებისმიერს მოხიბლავს, თან წარმოიდგინეთ ბათუმის მაღალი ცხოვრების რითმის შემდეგ ნისლიან სიმშვიდეში რომ ამოყოფთ თავს, გაცოცხლებული ენერგიით როგორ დაბრუნდებით სახლში.
თუშეთი
ჩემი აზრით, თუშეთი ის ადგილია, რომელიც აუცილებლად უნდა ნახოს ნებისმიერმა ადამიამიანმა, თანაც არაერთხელ, რადგან მხოლოდ ერთი კვირის აქ გატარება არასდროსაა საკმარისი, რადგანაც სანახავი ძალიან ბევრია. ასევე, ზაფხული თუშეთისთვის მნიშვნელოვანია, რადგან აქ მისასვლელი გზა გამოირჩევა ძალიან დიდი სირთულით, რომლითაც წლის სხვა პერიოდში ვერ ისარგებლებ, შესაბამისად ცხელი დღეები ერთგვარი კარია, რომელიც ამ მაგიურ ადგილას გეპატიჟებათ. ეს ადგილები, დარმწუნებული ვარ მკითხველის სრულმა უმრავლესობამ იცის, თუმცა აღსანიშნავია, რომ შვებულების დაგეგმვისას, შეიძლება უბრალოდ ყურადღება არ მივაქციოთ ამ გარემოებას. ასევე, ძალიან ბევრია ისეთი ადამიანი, ვინც უკვე იყო შვებულებაში და ფიქრობს, რომ დარჩენილი აგვისტო სახლში უნდა გაატაროს. ასეთი ტიპის ადამიანებსაც შეუძლია საკმაოდ შესაშურად დასვენება უქმეებზე, განსაკუთრებით ისიამოვნებენ ისეთი ადამიანები, ვისაც სკეიტები ან ველოსიპედები უყვარს და ხშირად გადაადგილდება, რადგან თბილისის გარშემო უამრავი ადგილია, რომელსაც შეგიძლია თავისუფალ დროს ესტუმრო.
კომენტარები