“მუზეუმისთვის” – აქცია პუშკინის სკვერში

ფოტო – ფორმულა

ხელოვნების მუზეუმის გადასარჩენად პუშკინის სკვერში აქცია მიმდინარეობს. აქციაზე სამოქალაქო აქტივისტები, პოლიტიკოსები და კულტურის სფეროს წარმომადგენლები იმყოფებიან. 

აქციის მონაწილეები აცხადებენ, რომ ხელისუფლების მიმართ ნდობა არ აქვთ და მნიშვნელოვანია, ყველა ექსპონატი, რომელიც მუზეუმს დატოვებს, რეაბილიტაციის შემდეგ უკან დაბრუნდეს. აქციის მონაწილეები გეგმავენ, რომ განათლების სამინიტროს მიმართონ და ხელმოწერებს აგროვებენ.

5 აგვისტოს, ხელოვნების მუზეუმთან თავისუფლების ინსტიტუტისა და ამომრჩეველთა განათლების საზოგადოების ორგანიზებით საპროტესტო აქცია გაიმართა. 

2021 წლის 4 ივლისს საქართველოს კულტურის, სპორტისა და ახალგაზრდობის მინისტრმა, თეა წულუკიანმა, საგანგებო განცხადება გაავრცელა და საზოგადოებას ამცნო, რომ შალვა ამირანაშვილის ხელოვნების სახელმწიფო მუზეუმი მართვის განსაკუთრებულ რეჟიმზე გადავიდა. მიზეზი შენობის ავარიულობა და განთავსებული ექსპონატების დაუცველობაა.

აღსანიშნავია, რომ ექსპერტიზის დასკვნა არ გასცემს შენობის დემონტაჟის რეკომენდაციას და, საერთოდაც, არ საუბრობს ამ ზომის აუცილებლობაზე. დასკვნაში ვკითხულობთ, რომ რიგი ღონისძიების გატარების შედეგად, სავსებით შესაძლებელია შენობის ცენტრალური ნაწილის გაძლიერება, მისი უსაფრთხო ექსპლუატაციის უზრუნველყოფა. ამ განცხადების შემდეგ ხელოვნების მუზეუმის გარშემო განვითარებულმა მოვლენებმა საზოგადოების ნაწილის პროტესტი გამოიწვია, თუმცა კულტურის, სპორტისა და განათლების სამინისტრო არაფერს ამბობს პოტენციური რესტავრაციის შესახებ და იწყებს მუზეუმის დაცარიელებას. 30 ივლისს საევაკუაციო სამუშაოებს ჩამოაშორეს ხელოვნების მუზეუმის მმართველის, ეკა კიკნაძის გუნდი, თვითონ კიკნაძე კი მმართველის პოზიციიდან ლაბორანტის პოზიციაზე ჩამოაქვეითეს.

წყარო – ტაბულა