“სადაც პოლიციის უფროსები ჩაცუცქულნი სვავენ ლუდს უბნის ნარკომან-კაციჭამიებთან, რა საკვირველია, რომ დაუსჯელად კლავენ ადამიანებს…” – შალვა ნათელაშვილი

ლეიბორისტული პარტიის ლიდერი შალვა ნათელაშვილი:

„როდესაც ტრანს-კონტინენტალური კრიმინალი მართავს ქურდულად ქვეყანას, როდესაც მთელი დამნაშავეთა სამყარო შეთავსებით მმართველი პარტიის საარჩევნო აქტივისტია, ქვეყანა სადაც პოლიციის უფროსები ჩაცუცქულნი სვავენ ლუდს უბნის ნარკომან-კაციჭამიებთან და ცხელ-ცხელ ხინკლებს დაატარებენ მათთან, სახელმწიფო სადაც საარჩევნო უბნები მიმდებარე ტერიტორიით კონტროლდება ნაკოლკიანი მტაცებლებით, საზოგადოება სადაც არჩევნების დღეს მინიმუმ მთელი საპოლიციო-სახელმწიფო ძალაუფლება ქუჩის მაყურებელთან გადადის, სივრცე სადაც ამინისტიებს უცხადებენ პოლიციელთა მკვლელებს, ნარკობარიგებს, პედოფილებს, ქალაქი სადაც ოკუპანტი ქვეყნიდან ორგანიზებული ესკადრონები სრულიად დაუსჯელად, ხელისუფლების წახალისებით ხოცავენ და სისხლში აბანავებენ ჟურნალისტებს რა საკვირველია, რომ ხორცსაკეპად იქცა, სადაც ინდულგენციის სანაცვლოდ დაუსჯელად კლავენ ადამიანებს და მათ შორის უცხოელებსაც”

ავსტრალიელი შანაი ბრუკი, რომელსაც სამართალდამცავები და მაშველები გუშინ მთელი დღის განმავლობაში ეძებდნენ, გარდაცვლილი იპოვეს. 
შსს-ს ინფორმაციით, საქმე თავდაპირველად თავისუფლების უკანონო აღკვეთის მუხლით აღიძრა. მოგვიანებით საქმეზე მუხლი გადაკვალიფიცირდა და გამოძიება განზრახ მკვლელობის მუხლით მიმდინარეობს.