იმუნიზაციის ტექნიკურ მრჩეველთა ეროვნული ჯგუფის ხელმძღვანელი ივანე ჩხაიძე „რუსთავი 2“-ის ეთერში ამბობს:
„ჩვენ იმუნიზაციის საბჭოს სხდომებზე გვქონდა ამ საკითხზე მსჯელობა. ყოველ შემთხვევაში ორი ჯგუფი ადამიანების არის ჩვენი აზრით პრიორიტეტული, ეს არის – პირველ რიგში, სამედიცინო პერსონალი და უნდა იყოს სავალდებულო სამედიცინო პერსონალის ვაქცინაცია და, ასევე ძალიან კარგი იქნება თუ ვაქცინაცია სავალდებულო გახდება განათლების სექტორში და მასწავლებლები დახვდებიან მოსწავლეებს ვაქცინირებულები, არამხოლოდ მასწავლებლები, არამედ ვინც იღებს განათლების პროცესში მონაწილეობას. ჯერჯერობით ეს ორი სფეროა, თუმცა რა თქმა უნდა გადაწყვეტილება, იქნება თუ არა სავალდებულო მიღებული არაა“
მისი თქმით, გადაწყვეტილება ამასთან დაკავშირებით იმუნიზაციის საბჭოს ჯერ არ მიუღია.
კომენტარები