“მეგონა, რომ ბოლოჯერ ვსუნთქავდი, ხელები, ფეხები დამიბუჟდა, ყურები დამიგუბდა, ვერ გრძნობ საერთოდ, სად ხარ და რას შვრები” – სალომე შარვაძე

მსახიობი სალომე შარვაძე, რომელსაც კოვიდი დაუდასტურდა, წერს:

„გუშინ იყო მეხუთე დღე და ძალიან ცუდად ვიყავი. მეგონა, რომ ბოლოჯერ ვსუნთქავდი. რა ხდებოდა ჩემს თავს, არ ვიცი. ავყევი პანიკას. ხელები, ფეხები დამიბუჟდა, ყურები დამიგუბდა, თავის ძალიან ძლიერი ტკივილი მქონდა. ყველაზე საგანგაშო იყო ის, როცა გული მიგდის, ვერ გრძნობ საერთოდ, სად ხარ და რას შვრები. ასეთ მდგომარეობაში ვიყავი. მივხვდი, რომ ძალიან უნდა გავუფრთხილდეთ თავს და რაც მთავარია, ვინც არ ხართ აცრილები, სასწრაფო წესით უნდა გაიკეთოთ აცრა. ჩემ შემთხვევაში იმიტომ არ ვიყავი აცრილი, როცა პირველად დავრეგისტრირდი, შემავსებინეს კითხვარი, რადგან ალერგიული ვარ, უნდა გამეკეთებინა გამოკვლევა და შემდეგ ამცრიდნენ. გადავდე, ხვალ მივალ, ზეგ მივალ… ბიძინა კულუმბეგოვთან რომ მივედი ანალიზებზე, სანამ პასუხები იქნებოდა, მანამდე დავინფიცირდი. ვისაც ვაქცინა გაკეთებული ჰქონდა, ძალიან კარგად დაიცვა ისინი, რაც ძალიან მიხარია…“