“მიმიფურთხებია იმ კაცისთვის, რომელიც ქალზე ძალადობს იმიტომ, რომ სოლოლაკში იმ მახინჯმა დაინახოს და პრემია გამოუწეროს…” – ეკა ხერხეულიძე

ენმ-ის წევრი, ეკა ხერხეულიძე:

“ჟურნალისტებს და საზოგადოებას არ უშვებენ ამ შენობაში. ყველა ნორმალური ადამიანი სოლიდარულია ამ პროტესტის მიმართ. ადამიანებს, რომელთაც არ უშვებენ სხდომათა დარბაზში კითხვების დასასმელად, ჩვენ ვალდებული ვართ გამოვხატოთ მათი ინტერესი.

ის რაც იხილეთ, იყო აქედან გამოწვეული. ჩვენ გვეჭირა ლექსოს ფოტოები და ვაპირებდით ასე გაპროტესტებას. როგორც მშვიდობიან ადამიანებს შეუსიეს კანიბალე, ასე მოხდა ახლაც.

დაგვიხიეს ლექსოს ფოტოები და გამოგვყარეს. მანდატურებს ხელების გადაგრეხვის და ყელში წაჭერის უფლება არ აქვთ, რაც თიკა ბოკუჩავას გაუკეთეს. მანდატურებს დაშოშმინების უფლება აქვთ. მიმიფურთხებია იმ კაცისთვის, გინდა ჩემი გუნდის წევრი იყოს, რომელიც ქალზე ღიად ძალადობს მხოლოდამხოლოდ იმიტომ, რომ სოლოლაკში იმ მახინჯმა დაინახოს და პრემია გამოუწეროს, ეგენი კაცები არ არიან, არაკაცები არ არიან. სხდომათა დარბაზში შესვლას არ ვაპირებ. გომელაურთან კითხვები არ მაქვს, მე მაქვს მოთხოვნა – აიღოს მან პასუხისმგებლობა და ჩამოშორდეს ხელისუფლებას. კითხვები მკვლელებთან არ მაქვს”