პერფომანსი, რომელიც სრულიად უწყინარი, ლეგიტიმურია, რომ ჩატარებულიყო რამდენიმე წუთით და ის ალიაქოთი არ აგეტეხათ, სხდომა მშვიდად გაგრძელდებოდა, – ასე მიმართა ოპოზიციონერმა დეპუტატმა ნატო ჩხეიძემ უმრავლესობის დეპუტატებს მას შემდეგ, რაც პარლამენტში შინაგან საქმეთა მინისტრის მისვლას ხმაური და დაპირისპირება მოჰყვა.
ნატო ჩხეიძე:
„გარდა ამისა, როდესაც ოპოზიციონერი დეპუტატი საუბრობს, თქვენი მხრიდან კონსტრუქციულია მაგიდაზე ბრახუნი და ამით ოპოზიციონერის გაჩერება, მაშინ როდესაც პარლამენტში საუბარი ძალიან ლეგიტიმურია. გასაგებია, რომ პერფომანსისაც, საუბრისაც გეშინიათ. იქნებ გვითხრათ, რისი არ გეშინიათ”, – განაცხადა ნატო ჩხეიძემ.
ნატო ჩხეიძეს უპასუხა ფრაქცია „ქართული ოცნების” თავმჯდომარე მამუკა მდინარაძემ:
„ქალბატონო ნატო, ბოლოს კრემლში რომ ბრძანდებოდით, იქ იქნებოდა ბევრი უშიშარი ხალხი და ალბათ იმათ ფონზე არ მოგწონვართ. ძალიან მიმძიმს ამ სიტყვების თქმა, მაგრამ როდესაც ჟურნალისტი კონკრეტულ ადგილზე დგას იმის გასაშუქებლად, რაც ხდება, ის ამავდროულად არის ჩართული პოლიტიკურ აქტივობაში. რაღაცა ფორმალურ მხარესაც კი ამ შეთხვევაში რაც არ უნდა გასაკვირი იყოს, უნდა მივაქციოთ ყურადღება. როდესაც ჟურნალისტი, კონკრეტული ან რამდენიმე ადამიანი ჩართულია პოლიტიკურ აქტივობაში, თანაც ძალიან ამორალურ პოლიტიკურ აქტივობაში, ვიდრე არ მორჩება, ჩვენი აზრით, სხდომა არ უნდა გაგრძელდეს. განსაკუთრებით „ნაციონალურმა მოძრაობამ” გარდაცვლილ ადამიანებზე სპეკულაციას თავი უნდა დაანებოს”
კომენტარები