საქართველოს პირველი არხის ოპერატორის, ილია თვალიაშვილის მიმართ ჟურნალისტური საქმიანობის გამო დევნისა და ძალადობის ფაქტზე ბრალდებულ გიორგი მაღრაძეს თბილისის საქალაქო სასამართლოს მოსამართლემ აღკვეთის სახით, ორთვიანი წინასწარი პატიმრობა მიუსაჯა.
გადაწყვეტილება მოსამართლემ რამდენიმე წუთის წინ მიიღო.
ბრალდებულმა წარდგენილი ბრალდება უარყო და თქვა, რო არც ერთ ჟურნალისტზე არ უძალადია და 5 ივლისს “შემთხვევით მოხვდა” დაპირისპირების ადგილას.
გამოძიების ინფორმაციით, 5 ივლისს, „თბილისი პრაიდის” საწინააღმდეგოდ გამართული აქციის დროს, ორგანიზებულ ჯგუფურ ძალადობაში მონაწილე გიორგი მაღრაძე და მასთან ერთად მყოფი პირები ჟურნალისტურ საქმიანობაში ხელის შეშლის მიზნით და შეუწყნარებლობის მოტივით, თავს დაესხნენ საქართველოს პირველი არხის ოპერატორს და ფიზიკური ძალადობითა და სიტყვიერი შეურაცხყოფით, პროფესიული საქმიანობის შეწყვეტას აიძულებდნენ, რათა მისი მხრიდან არ მომხდარიყო ბრალდებულთა მიერ განხორციელებული აგრესიული ქმედებების გადაღება და გავრცელება.
კომენტარები