“ერთს გრძელი თმა ჰქონდა, მეორეს – ქოლგა” – რუსთავში მომხდარი მკვლელობის დეტალები

რუსთავში 27 წლის გ. ა. მოკლეს.

მას მრავლობითი ჭრილობები ცივი იარაღით მიაყენეს. ახალგაზრდა ადგილზევე გარდაიცვალა.  

დაჭრილია მისი მეგობარი, 26 წლის ბიჭი. მას კლინიკაში სასწრაფო ოპერაცია ჩაუტარდა და მისი მდგომარეობა მძიმეა.

“მთავარი არხი” ადგილობრივი მოსახლეობის ნათქვამზე დაყრდნობთ, ავრცელებს ინფორმაციას, ერთ-ერთს ქოლგა ჰქონდა, მეორე გრძელი თმა, დაიწყო სიტყვიერი შელაპარაკება, რომელიც ჩხუბში გადაიზარდა.

შემთხვევა თოდრიას ქუჩაზე 14 ივლისს, გამთენიისას მოხდა 

შსს-მ დააკავა 2 ბრალდებული – 2001 წელს დაბადებული ნ.დ. და 1986 წელს დაბადებული გ.ჩ.

გამოძიება განზრახ მკვლელობის, ასევე, ორი ან მეტი პირის მიმართ დამამძიმებელ გარემოებაში ჩადენილ განზრახ მკვლელობის მცდელობისა და განსაკუთრებით მძიმე დანაშაულის შეუტყობინებლობის ფაქტებზე გამოძიება საქართველოს სსკ-ის 108-ე, 19-109-ე მუხლებითა და 376-ე მუხლის მეორე ნაწილით მიმდინარეობს.