„მთავრობის გადადგომა პოლიტიკურ კრიზისში შესვლის გზაა“ – ვახტანგ მეგრელიშვილი

„წინაპირობების გარეშე, მთავრობის გადადგომის და რიგგარეშე საპარლამენტო არჩევნების მოთხოვნა პოლიტიკურ კრიზისში შესვლის გზაა“, – ამის შესახებ „გირჩის“ ერთ-ერთი ლიდერი ვახო მეგრელიშვილი სოციალურ ქსელში წერს.

მეგრელიშვილის თქმით, რიგგარეშე საპარლამენტო არჩევნების დანიშვნას „ქართული ოცნება“ პოლიტიკურ კაპიტულაციის მოთხოვნით ულტიმატუმად შეაფასებს.

წინაპირობების გარეშე, მთავრობის გადადგომის და რიგგარეშე საპარლამენტო არჩევნების მოთხოვნა პოლიტიკურ კრიზისში შესვლის გზაა. არაფორმალური მმართველობის დროს, როდესაც უცნობია ვინ რა გადაწყვეტილებას იღებს ღარიბაშვილის ნაცვლად, კობახიძის დანიშვნა არაფერს არ შეცვლის.

რიგგარეშე საპარლამენტო არჩევნების დანიშვნას „ქართული ოცნება“ პოლიტიკურ კაპიტულაციის მოთხოვნით ულტიმატუმად შეაფასებს. ეს ისევ არის გზა პოლარიზაციას და დაპირისპირებისკენ. წინაპირობა არის იმის ცოდნა თუ რა მოხდა 5 ივნისს. გამოსაძიებელია. ამიტომ რადგან სამართალდამცავ სისტემას არ ვენდობით, რჩება ოპოზიციის საპარლამენტო კომისია. სხვა მშვიდობიანი გზა არ არის.
მერე შეიძლება გადავწყვიტოთ თუ რა იქნება ადეკვატური პოლიტიკური მოთხოვნა“, – აცხადებს მეგრელიშვილი.