ფოთში, ქალაქის ცენტრში, გვიან ღამით 21 წლის ახალგაზრდა ბიჭი ცივი იარაღით დაჭრეს. მას მუცლის არეში შემავალი ჭრილობა აქვს მიყენებული.
თვითმხილველთა ინფორმაციით, შემთხვევას წინ შელაპარაკება უძღოდა.
ახალგაზრდა მამაკაცი სასწრაფო-სამედიცინო დახმარების ბრიგადამ სენაკის კლინიკა „სენამედში“ გადაიყვანა. მედიკოსების ინფორმაციით, დაჭრილი ახალგაზრდას ჯანმრთელობის მდგომარეობა სტაბილურია.
შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 117-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს. მიმდინარეობს საგამოძიებო მოქმედებები.
კომენტარები