„თავისუფლება გავრილოვის პატიმრებს“ – „სირცხვილია“ სასამართლოსთან აქციას მართავს

მოძრაობა „სირცხვილიას“ წევრები თბილისის საქალაქო სასამართლოსთან აქციას მართავენ. ლოზუნგით, ’’თავისუფლება გავრილოვის პატიმრებს“ – სამოქალაქო აქტივისტებმა ამ ფორმით სოლიდარობა 20 ივნისის საქმეზე დაკავებულ პირებს და ტელეკომპანია „მთავარი არხის“ მეწილეს გიორგი რურუას გამოუცხადეს.

აქციის მონაწილეთა განცხადებით სასამართლოში მიმდინარე დავები ადასტურებს, რომ ხელისუფლება ძალოვანი უწყების წარმომადგენლებისა და სასამართლოს გამოყენებით ცდილობს გაუსწორდეს იმ ადამიანებს, რომელიც მათ პოზიციებს არ იზიარებენ ან არიან პოლიტიკური ოპონენტები.

დღეს თბილისის საქალაქო სასამართლოში ბესიკ თამლიანის და მასთან ერთად დაკავებული პირების, ასევე გიორგი რურუას სასამართლო პროცესი გაიმართება. გიორგი რურუას ადვოკატის, დიტო საძაგლიშვილის თქმით, რურუა სისტემის მსხვერპლია და ამას საქმეში არსებული მტკიცებულებები ადასტურებს.

შეგახსენებთ, რომ გიორგი რურუა პოლიციამ 18 ივნისს, სისხლის სამართლის კოდექსის 236-ე მუხლით გათვალისწინებული დანაშაულისთვის დააკავეს, რაც ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს.

ნიუპოსტი