„ეკლესია მოუწოდებს ხალხს, არ დაუშვან საქართველოში ცოდვის პროპაგანდა. მათ უნდათ ჩვენი გადამტვრევა, მაგრამ გადაიმტვრევიან თვითონ“, – ამის შესახებ ჭყონდიდის მიტროპოლიტმა მეუფე სტეფანემ ქადაგებისას განაცხადა და მრევლს ხვალ პარაკლისზე დასწრებისკენ მოუწოდა.
მისივე თქმით, ის, ვინც ეკლესიას ებრძვის, სულიწმინდას გმობს.
„ვისაც უნდა სიამოვნება იპოვოს ეკლესიის გარეთ, ის ეძებს სიკვდილს. რა უნდა ელჩს რაღაცა აქციის მხარდამჭერებში და რატომ აძალებს ხელისუფლება პოლიციას, დაიცვას ისინი? ცოდვის მონობაში მყოფი ჯგუფი დამიყენეს როგორც არბიტრი ჩემს ცხოვრებაში. ეკლესიამ ორჯერ გამოაცხადა და კიდევ გამოაცხადებს, ჩვენ ვერ დავუშვებთ ჩვენს ქვეყანაში ცოდვის მონობის პროპაგანდირებას, როცა ხალხი ამბობს, ამას არ ვღებულობთ. ის, შენ რომ ცოდვილი ხარ, არ უნდა შეირგო, როგორც სიკეთე, ამ ცოდვას უნდა ებრძოლო. ევროკავშირში გაერთიანება გეებზე გადის. სოდომის ცოდვა თუ დავუშვით, მაშინ ჩვენ გავერთიანდებით?”- განაცხადა მეუფე სტეფანემ.
კომენტარები