ლგბტქ თემის მხარდაჭერის გამო, ევროკავშირის წარმომადგენლობის ოფისთან, გურამ ფალავანდიშვილმა მხარდამჭერებთან ერთად აქცია გამართა.
მან კარლ ჰარცელს მოუწოდა უარი თქვას უმცირესობების მხარდაჭერაზე. ფალავანდიშვილი მტკიცებით, წინააღმდეგ შემთხვევაში დიპლომატს ქვეყნის დატოვება მოუწევს. აქციის ორგანიზატორებმა დღეს ჰარცელის სახელზე ევროკავშირის წარმომადგენლობის ოფისში წერილიც დაუტოვეს.
ფალავანდიშვილმა და მისმა თანამოაზრეებმა ასევე აქცია გამართეს ამერიკის საელჩოსთან და განცხადება კელი დეგნანის სახელზეც შეიტანეს, სადაც ისინი .ელჩის გადადგომას მოითხოვენ.
ფალავანდიშვილის განცხადებით, მრავალი წელია რაც „აშშ მისი საელჩოს მეშვეობით ეწევა დამოუკიდებელი საქართველოს ზნეობრივ ოკუპაციას”.
„მთელმა საქართველომ ნახა, რომ აშშ-ს საელჩოს ბნელი კარები დახშულია საზოგადოებისთვის. „ბავშვთა უფლებების დაცვის საზოგადოების” თავმჯდომარე არ შეუშვეს, მეტი ვინ უნდა შეუშვან? ალბათ შეუშვებენ „თბილისი პრაიდს” და სხვადასხვა მოძალადეებს. უკვე მრავალი წელია რაც აშშ მისი საელჩოს მეშვეობით ეწევა დამოუკიდებელი საქართველოს ზნეობრივ ოკუპაციას. მათი საელჩოს წარმომადგენლების უდიდესი ზეწოლის ქვეშ ჩვენი პარლამენტი იღებს მრავალ დანაშაულებრივ და ბინძურ კანონს. ასევე, საპასუხისმგებლო ადგილზე ნიშნავს ღია ლგბტ ლობისტებს. თქვენ პირადად ხართ ჩართული წლევანდელი ბოროტი რიტუალის ორგანიზებაში, რომლის მიზანია ჩვენი ქვეყნის წაბილწვა. ჩვენ ვითხოვთ გაძევებულები იყვნენ საქართველოდან ქვეყნის ზნეობრივი მტრები და ოკუპანტები, – აღნიშნა გურამ ფალავანდიშვილმა.
კომენტარები