შეამჩნიეს, რომ თანამშრომელს ჰკოცნიდა. ვისი რა საქმეა, ვინ ვის ჰკოცნის, არა? მაგრამ აქ სხვა რამეში ყოფილა საქმე-პანდემიის დროს დაწესებული წესები დაარღვია – დიდი ბრიტანეთის ჯანდაცვის მინისტრის გადადგომას “ნაციონალური მოძრაობის” ლიდერი რომან გოცირიძე “ფეისბუქზე” გამოეხმაურა.
პარლამენტის დეპუტატი ამბობს, ბრიტანელმა მინისტრმა იმის გამო, რომ რეგულაციები არ გაითვალისწინა, “პოლიტიკური ფასი გადაიხადა”, ხოლო საქართველოს ხელისუფლებამ პირდაპირ უთხრა მოქალაქეებს, რომ დარღვევების მიუხედავად “არაფერი გემუქრებათო”.
“დიდი ბრიტანეთის ჯანდაცვის მინისტრი გადადგა, რადგან შეამჩნიეს, რომ თანამშრომელს ჰკოცნიდა. ვისი რა საქმეა, ვინ ვის ჰკოცნის, არა? მაგრამ აქ სხვა რამეში ყოფილა საქმე-პანდემიის დროს დაწესებული წესები დაარღვია. დისტანცია არ დაიცვა, პირბადე არ ეკეთა. აბა, პირბადეში როგორ იკოცნავებდნენ? ისე, საინტერესოა, პირბადეში რომ ეკოცნა, როგორ იქნებოდა საქმე-ჩაეთვლებოდა თუ არა წესების დარღვევად?
იმ ქვეყანაში მინისტრი ფაქტობრივად დააჯარიმეს-პოლიტიკური ფასი გადაახდევინეს. ჩვენი მთავრობა როგორ იქცევა? გინდ გიკოცნიათ და გინდ კომენდანტის საათი დაგირღვევიათ, მაინც არაფერი გემუქრებათო, უთხრეს ხალხს. 245 ათას ადამიანს ჩამოაწერეს ჯარიმა წინასაარჩევნოდ. ივანიშვილს მაინც გადაეხადა, ცოტა ფული მაინც შევიდოდა ბიუჯეტში. რომ გადაევადებინათ ამ უფულობაში, კიდევ შეიძლება გაგებით მოკიდებოდა ის ათასობით კანონმორჩილი მოქალაქე (მთავრობის წარმოდგენით, ბრიყვები), რომლებმაც უკვე გადაიხადეს ჯარიმები[…]
ასეთი ხელისუფლება საფრთხეა ქვეყნისთვის, კრიზისების დროს კი ორმაგი საფრთხე. “,- წერს რომან გოცირიძე.
კომენტარები