ლევან ვასაძე ჰოსპიტალიზებულია – მისი მდგომარეობა მძიმეა

ლევან ვასაძე ჰოსპიტალიზებულია, “ერის” დამფუძნებელი თურქეთში გადააფრინეს. მისი მდგომარეობა მოულოდნელად დამძიმდა.

საქართველოში დიაგნოზი ვერ დაუსვეს, ამიტომ თურქეთში გადაფრინდა”- უთხრა “პირველებს” ვასაძის თანაგუნდელმა, სოსო მანჯავიძემ. 
ვასაძემ მის თანაგუნდელებთან საუბრისას არ გამორიცხა, რომ ის მოწამლეს.

“ყველაფერს კვლევები დაადგენს”- უპასუხა შესაძლო მოწამვლასთან დაკავშირებით დასმულ კითხვას მანჯავიძემ. – ამ ინფორმაციას “ტვ პირველი” ავრცელებს. 

აღნიშნული ინფორმაცია, “ჰოთნიუსმა”  ვასაძის თანაგუნდელ სოსო მანჯავიძესთან გადაამოწმა, რომელმაც განგვიცხადა, რომ მოწამვლის შესახებ “პირველებთან” არაფერი უთქვამს და ეს ინფორმაცია არ შეესაბამება სიმართლეს. 

მანჯავიძის თქმით: “ლევან ვასაძე გადაფრინდა თურქეთში, სტამბულშია, კლინიკაში კვლევებზე,  მოწამვლის მსგავსი რამე არ მითქვამს, უბრალოდ რაღაც ჯანმრთელობის პრობლემა შეექმნა, ვინაიდან დიაგნოზი ვერ დაისვა აქ გადაფრინდა თურქეთში.”