სულ ეს იყო სამწუხაროდ ჯაფარას პასუხი – ნინო ჯანგირაშვილი

ჟურნალისტი, ნინო ჯანგირაშვილი:

“ყველაზე ბინძურ რუსულ პროპაგანდასაც არ მოუგონია ისეთი ტყუილი შვედეთზე, როგორიც ბატონმა თენგიზმა შეთხზა დღეს ზურა ჯაფარიძესთან დებატებისას:

“იცით ალბათ, მაგრამ თუ არ იცით გადაამოწმეთ. შვედეთმა იცით რა ქნა როცა პიკი იყო? საშინელება გააკეთა. გაცემული ქონდათ განკარგულება ჯანდაცვის ორგანოებზე და სასწრაფო დახმარების ეკიპაჟებზე რომ 65 წელზე ზევით ადამიანები არ გადაეყვანათ საავადმყოფოებში. აი, ეს გააკეთა შვედეთმა, პრიორიტეტიზაცია მოსახლეობის. წარმოგიდგენიათ? 65 წელს ზევით ასაკის ავადმყოფი გაწირა სასიკვდილოდ. დატოვეთ სახლშიო ესეიგი, იმიტომ რომ არ ყოფნიდა საწოლფონდი და საწოლები. ეხლა ერთი რამე მითხარით, საქართველოში რომ ვინმეს 65 წელზე მეტი ასაკის ავადმყოფი საავადმყოფოში არ გადაეყვანა, თავზე დაგვამხობდით ყველაფერს. ეს თქვენი შვედეთის შემადგენელია.“ –თქვა ცერცვაძემ.

“შვედეთის ფანი კი არ ვარ ზოგადად“…. სულ ეს იყო სამწუხაროდ ჯაფარას პასუხი.

ვფიქრობ, ბატონმა ცერცვაძემ ზუსტად იცის, კოვიდის პირველი ტალღისას რა დილემების წინაშე იდგნენ ევროპაში ექიმები, და ეს არ ეხებოდა არანაირად 65 წელს ზევით პაციენტების ჰოსპიტალიზაციას. ახლა დეტალურად წერა მეზარება. ვფიქრობ, იცის და მაინც ცრუობს. თუ არ იცის, მით უარესი. ასეც და ისეც კატასტროფაა ამ კაცს რომ რამეს ეკითხებიან ამ ქვეყანაში.”