საკოორდინაციო საბჭო მიმდინარე რეჟიმში, ეპიდემიოლოგიური სიტუაციიდან გამომდინარე რეგულარულად განიხილავს შეზღუდვების შემსუბუქების შესაძლებლობას, – ამის შესახებ თამარ გაბუნიამ განაცხადა. ჯანდაცვის მინისტრის მოადგილემ პირბადის გამოყენების ვალდებულების შემსუბუქებაზეც ისაუბრა და აღნიშნა, რომ ამაზე საუბარი ამ ეტაპზე ნაადრევია.
„ჩვენთვის ყველაზე ქმედით შეზღუდვად კვლავაც ღამის საათებში მოძრაობის შეზღუდვა და ასევე პირბადის გამოყენება რჩება. პირბადის გამოყენება კვლავ ძალიან მნიშვნელოვანი ინსტრუმენტია და ვიდრე ვაქცინაციით მოსახლეობის სულ მცირე 30%-ს არ მოვიცავთ, მანამდე პირბადის გამოყენების ვალდებულების შემსუბუქებაზე საუბარი ნაადრევია“, – განაცხადა გაბუნიამ.
აი, თენგიზ ცერცვაძის თქმით კი, ღია სივრცეში პირბადის ტარების ვალდებულების მოხსნა – განიხილება:
„განიხილება ღია სივრცეებში პირბადის მოხსნაც. მე პირადად მხარს დავუჭერდი ღია სივრცეებში პირბადის ტარების აუცილებლობის გაუქმებას, მაგრამ არამცდაარამც დახურულ სივრცეებში გაუქმებას.”
როგორც ჩანს, როგორც სხვა შემთხვევების დროს, ამჯერადაც არ ხდება, ბატონი თენგიზის აზრის გათვალისწინება.
როდისთვის იქნება მოსახლეობის 30 პროცენტი აცრილი, ამაზე თამარ გაბუნიას არაფერი უთქვამს.
კომენტარები