მოვითხოვ, საქართველოს პარლამენტში ორშაბათსვე გამოძახებულ იქნეს საგარეო საქმეთა მინისტრი – “ლეიბორისტული პარტიის” ლიდერმა, შალვა ნათელაშვილმა, ბრიფინგი გამართა და ხელისუფლებას ოკუპირებული აფხაზეთის შემადგენლობაში შემავალი სოფელ აიბღას ანექსირებაზე რეაგირება მოსთხოვა.
შალვა ნათელაშვილი:
“შექმნილ ფონზე, როგორც მოსალოდნელი გახდა სდუმს მომაკვდავი საქართველოს ხელისუფლება. არც ერთი პროტესტი, არც ერთი განცხადება. მე მოვითხოვ, საქართველოს პარლამენტში ორშაბათსვე გამოძახებულ იქნეს საგარეო საქმეთა მინისტრი, საქართველოს მთავრობამ, თუ გვყავს ასეთი, მოითხოვოს გაეროს უშიშროების საბჭოს საგანგებო სხდომის მოწვევა, ხოლო ხელისუფლებამ ერთხელ და სამუდამოდ დააყენოს პუტინის მთავრობის სანქცირების საკითხი საერთშორისო დონეზე.
სხვა შემთხვევაში აი ამ ერთი პატარა ქართული ულამაზესი სოფლის ანექსირებას ფსოუზე მოჰყვება მთელი აფხაზეთისა და ცხინვალის რეგიონის ასე ერთიანად ან ნაწილ-ნაწილ მიერთება რუსეთის ფედერაციაზე”
“დემოკრატიის კვლევის ინსტიტუტის” ინფორმაციით, რუსეთის ფედერაციამ 2021 წლის მაისში, ოკუპირებული აფხაზეთის შემადგენლობაში შემავალი სოფელ აიბღას ანექსირება ფაქტობრივი კონტროლის მიღმა ოფიციალურად გაიფორმა.
ორგანიზაცია წერს, რომ ტერიტორია კრასნოდარის ოლქის ადლერის რაიონის ნაწილადაა მონიშნული.
კომენტარები