პარტია კანონი და სამართალის წევრი ირაკლი ღლონტი სოციალურ ქსელში პოსტს აქვეყნებს, მან მწუხარება გამოთქვა თავისი კოლეგის გარდაცვალების გამო და ოჯახს მიუსამძიმრა.
“მორჩა… დასრულდა ლამაზი სიცოცხლე… გიორგი, ბოდიში რომ ვერ ვაჯობეთ სიკვდილს, გვემახსოვრები ყველას…
დამამახსოვრდები მძიმე დროს გვერდით დგომით, იქ, სადაც მჭირდებოდი და სულ ცოტა ხნის წინ, ქუჩაში რომ დამინახე, მოხვედი და საკუთარი ხელით შემაკეთებინე მანქანა, ირა ვერკვევი კარგად ამ ამბებშიცო… რა ვიცოდი ძმაო, თორემ რა მანქანა, რის შეკეთება, მოგეფერებოდი კაცურად…
ძალიან დააკლდები შენს ოჯახს, ქვეყანას, კოლეგებს, ყველაზე მეტად კი შენს ახალშობილ შვილს…” – წერს ირაკლი ღლონტი.
შეგახსენებთ, რომ ადვოკატი გიორგი სიმონიშვილი გარდაიცვალა.
გიორგის დაუდგინდა ლეიკემია და საჭირო იყო კოლოსალური თანხები ძვლის ტვინის ტრანსპლატაციისთვის. იგი ბოლოს მკურნალობდა გერმანიაში, მიუნხენში.
კომენტარები