რას ელოდა გახარია ივანიშვილისგან და რა “ჩაუფინა” კობახიძემ ბიძინას? – გიორგი გახარია

გიორგი გახარია, ინგა გრიგოლიას საავტორო გადაცემაში, ბიძინა ივანიშვილის წერილზე საუბრობს:

“ველოდი, რომ ივანიშვილი მიპასუხებდა, მაგრამ არა ასე სწრაფად და ასეთი ფორმით, ველოდი, რამოდენიმე მიზეზის გამო, პირველ რიგში, იმიტომ, რომ ობიექტური რეალობაა ისაა, რომ დღევანდელი მმართველი ძალის ხელმძღვანელობას ჩვენთან დაპირისპირების რესურსი არ აქვს, არც ინტელექტუალური, არც მორალური. პარტიის ხელმძღვანელობაზე ვსაუბრობ. იქ არის ბევრი ღირსეული ადამიანი, მაგრამ დღეს ვინც ამინდს ქმნის, მათი რესურსი ამოწურულია. ეს იყო, რამაც ივანიშვილი აიძულა მსგავსი მძაფრი განცხადებით გამოსულიყო.

ეს განცხადება ჩემთვის, მისი ტონალობით იყო მოულოდნელი. ამ განცხადებაში არის ორი საკითხი – გიორგი გახარია ჩემი პროექტი არ არის და გიორგი გახარია არის მოღალატე. ფსიქოლოგიურად კარგად დალაგებული განცხადებაა, სადაც პირველი სიმართლეა და მეორე – ტყუილი. ეს განცხადება შექმნილი იმისთვის, რომ პოლიტიკურ ველზე ჰქონდეს პირდაპირი ზეგავლენა.

ვადასტურებ, ჩვენ არ ვართ, ვერ ვიქნებით და არ ვიქნებით “ოცნება2”.

პარტიის დღევანდელი თავმჯდომარე 2 დღით ადრე გამოვიდა, რაღაცე ბოდვები ილაპარაკა ეს იყო ჩაფენილი იმისთვის, რომ ბიძინა ივანიშვილს ავტორიტეტს უფრო “გაპრავეულად” დაერქვა ღალატი იმისთვის, რაც ჩემთვის არის სახელმწიფო ინტერესები.

ყველაფრის მიუხედავად, რაც არ უნდა დამიძახონ, მოღალატე, თვალთხარიაც დაუძახათ, ამასაც მოვითმენ, ეს ჩემი ტვირთია, ამით, მე ჩემ მიდგომას მოქალაქეების მიმართ არ შევიცვლი. როდესაც ვამბობ, რომ ვერთიანდებით საქართველოსთვის, სწორედ ამას ვგულისხმობ.