გვანცა ბენდელიანი, სოციალურ ჯგუფში, ‘სასოწარკვეთილი მომხმარებელი”, წერს:
“სამარცხვინო ს.ს თელასი
მოკლედ ასეთი სიტუაციაა მეგობრებო, 10 დღის წინ ღამე ტექნიკური დაზიანების გამო(თელასის მხრიდან) ელ. ენერგიის დიდი ძაბვის გამო მთელს დასახლებას გადაგვეწვა მსხვილი და ძვირადღირებული ტექნიკა (მაცივრები, ტელევიზორები, გათბობის ქვაბები, სარეცხის მანქანები, აღარ ვთვლი წვრილმან ტექნიკას).
ფეთქდებოდა ყველადერი რაც დენის წყაროში იყო შეერთებული, როგორც სახლში ასევე სადარბაზოში (ლედ განათებები).
დაზარალდა 400 ოჯახი.
რა თქმა უნდა მივიწერე ოფიციალური წერილი თელასში ზარალის ანაზღაურების მოთხოვნით და ეს სასაცილო პასუხი გამცეს.
თურმე საკუთარი ხარჯებით უნდა ვატაროთ ექსპერტიზები და დავუმტკიცოთ რა და როგორ მოხდა.
ამდენი ოჯახი დააზარალეს და იმასაც კი არ იღებენ საკუთარ თავზე, რომ მათი ექსპერტი მოვიდეს და შეამოწმოს. (რომელიც ასევე მოვითხოვე წერილში)
მინიმუმ 3000-4000 ლარს შეადგანს თითოეული ოჯახის ზარალი და კიდევ ექპერტიზის ხარჯებიც ჩვენ დაგვაკისრეს.
ჩვენ რომ დაგვეზიანებინა რამე, კაპიკ-კაპიკ აგვანაზღაურებინებდნენ.
სამარცხვინოები ხართ მეტი არაფერი “
“ალია” დაუკავშირდა “თელასს”, სადაც გვითხრეს, რომ დადგენილი წესის მიხედვით მოქმედებენ. მათივე თქმით, მას შემდეც, რაც მოქალაქეები განცხადებასთან ერთად წარადგენენ დაზიანებული ტექნიკის შეფასების დოკუმენტს, კომისია იმსჯელებს და თუ დადასტურდა, რომ “თელასის” მიერ მოხდა არაპარამეტრიული ელექტროენერგიის მიწოდება და ამის გამო დაზიანდა ტექნიკა, ზიანი აუცილებლად აუნაზღაურდებათ.
“ალია” დაუკავშირდება სემეკსაც და გავაახლებთ ინფორმაციას, ვეცდებით გავიგოთ, რატომ დაუშვა “სემეკმა” ასეთი რეგულაციის არსებობის უფლება.
კომენტარები