კომპანია Facebook-ის ინფორმაციით, სოციალური პლატფორმიდან აღარ წაიშლება ისეთ პოსტები, სადაც წერია, რომ COVID-19 არა ბუნებრივად, არამედ ხელოვნურად შეიქმნა.
CNN-ის ცნობით, კომპანიის გადაწყვეტილება პრეზიდენტ ჯო ბაიდენის მიერ COVID-19-ის წარმოშობასთან დაკავშირებით გამოძიების გაძლიერების მოთხოვნას უკავშირდება.
შეგახსენებთ, რომ აქამდე არსებული წესდების თანახმად, მსგავსი შინაარსი პოსტებს Facebook-ის ალგორითმი დეზინფორმაციად მიიჩნევდა და პლატფორმიდან ავტომატურად შლიდა.
თუმცა საკითხის მიმართ ბაიდენის ადმინისტრაციის დამოკიდებულების შეცვლას და გამოძიების შედეგად ახალი ინფორმაციის გავრცელებას თან მოჰყვა სოციალური მედიის პოლიტიკის შეცვლაც.
საკითხის მიმართ დამოკიდებულება შეიცვალა ამერიკის პირველმა ინფექციონისტმა, ენტონი ფაუჩიმაც, მისი თქმით, ის დარწმუნებული არ არის, რომ COVID-19 ბუნებრივად წარმოიქმნა და გამოძიების გაგრძელებას ითხოვს.
“დარწმუნებული არ ვარ და ვფიქრობ, რომ გამოძიება იქამდე უნდა გაგრძელდეს, ვიდრე ჩვენი შესაძლებლობების ფარგლებში ზუსტად არ დავადგენთ, თუ რა მოხდა ჩინეთში”. – თქვა ფაუჩიმ.
კომენტარები