ნიუ-იორკის გენერალური პროკურატურა აცხადებს, რომ ყოფილი პრეზიდენტის, დონალდ ტრამპის კომპანიასთან დაკავშირებით სისხლის სამართლის საქმე აღიძრა. ეს კიდევ ერთი სამართლებრივი გამოწვევაა ყოფილი პრეზიდენტისა და ბიზნესმენის და მისი ოჯახისთვის.
გენერალური პროკურორი ლატიშა ჯეიმსი იკვლევს მართებული ინფორმაცია მიაწოდა თუ არა “ტრამპის ორგანიზაციამ” სახელმწიფოს ქონების ღირებულების შესახებ იმ მიზნით, რომ სესხები დაეზღვია და ეკონომიკური და საგადასახადო კუთხით სარგებელი მიეღო.
პრეზიდენტის პოსტის დატოვებიდან 4 თვის შემდეგ, ტრამპის ბიზნეს-საქმიანობასთან დაკავშირებით, არაერთი სამართლებრივი შეკითხვა არსებობს. სისხლის სამართლის საქმეებიდან ეს უკვე მესამეა ყოფილი პრეზიდენტის წინააღმდეგ.
ყოფილმა პრეზიდენტმა დონალდ ტრამპმა, მისი ოჯახის ბიზნეს-საქმიანობაზე კრიმინალური გამოძიების დაწყების გამო, ნიუ-იორკის მთავარი პროკურორი მკაცრად გააკრიტიკა და ამბობს, რომ მას “თავს უსამართლოდ დაესხნენ და შეუსაბამოდ მოექცნენ.”
“არაფერია იმაზე უფრო კორუფციული, ვიდრე გამოძიება, რომელიც სასოწარკვეთით ცდილობს დანაშაული მოძებნოს. ჩვენ “სამართლებრივი დევნის ნებისმიერ მცდელობას დავძლევთ” – თქვა მან.
წყარო – ამერიკის ხმა
კომენტარები