გასული წლის ნოემბერში, “მთავარ აქცენტებში” შეკრებილი იყვნენ პოლიტიკოსები, სადაც ნიკა მელია და გუბაზ სანიკიძე ერთმანეთს დაუპირისპირდნენ. მაშინ გუბაზ სანიკიძე ამბობდა, რომ მიშა სააკაშვილის გარეშე, ივანიშვილს ვერ დაამარცხებდნენ და სურდა, მიშას საქართველოში ჩამოყვანა მოეთხოვა ოპოზიციას. დაპირისპირება მოჰყვა სანიკიძის სიტყვებს:
“არც ერთი ჩვენთაგანის არ ეშინია ბიძინა ივანიშვილს – ვისი ეშინია პერსონალურად ბიძინა ივანიშვილს? ერთადერთი კაცის – მიხეილ სააკაშვილის. ხალხი არის ამის მოლოდინში.”
ციხიდან გამოსვლის შემდეგ, ნიკა მელიამ განაცხადა, რომ გამართავა კონსულტაციებს, მოლაპარაკებებს და ამის შემდეგ მიიღებდა გადაწყვეტილებას, შევიდოდა “ენმ”-ი პარლამენტში, თუ არა. მალევე, ნიკა მელია უკრაინაში გაემგზავრა, სადაც უკვე მესამე დღეა იმყოფება და დღეს სააკაშვილმა მასთან ერთად ჩაწერილი ვიდეოც გამოაქვეყნა.
რას ფიქრობს დღეს ნიკა მელია და თვლის, თუ არა, რომ გუბაზ სანიკიძის სიტყვები აუხდა, ძნელი სათქმელია, თუმცა, მელიას დღევანდელმა განცხადებამ არც თუ ძველი ვიდეო გაგვახსენა:
2020 წლის მარტი, გუბაზ სანიკიძე:
“არ ივარგა ოპოზიციამ, გაიმარჯვა ბიძინამ! ის ტექსტები, რასაც არჩევნებამდე ვლაპარაკობდით, რომ ბიძინა იყო ცუდი კაცი, ამ ტექსტებით ვეღარ ვილაპარაკებთ, – მოგებული არჩევნები წავაგეთ. ძალიან დიდი შეცდომა დავუშვით, როცა დიდი ბლოკი არ გავაკეთეთ! არც ერთი რომ არ მეთანხმებით, ვიცი. ხალხი ითხოვს ჩვენგან ბოდიშის მოხდას, რადგან ძალიან ცუდად ჩავატარეთ არჩევნები.
არც ერთი ჩვენთაგანის არ ეშინია ბიძინა ივანიშვილს – ვისი ეშინია პერსონალურად ბიძინა ივანიშვილს? ერთადერთი კაცის – მიხეილ სააკაშვილის. ხალხი არის ამის მოლოდინში.
ნიკა მელია:
-ვინც არ უნდა იყო, გუბაზ სანიკიძე კი არა ვინც უნდა იყო, ვისაც შემოაქვს ოპოზიციაში ხინჯი…
-დაბადებული არ იყავი ბოლშევიკებს რომ ებრძოდი
-მოგზავნილი ხომ არა ხარ?
-ლაპარაკი გაასწორე…
-ვის უნახიხარ ბრძოლის ველზე? უნამუსო ხარ… არ მინდა შენთან საუბარი…
-დავიღალე რა, დაიღალა ეს ხალხი კიდე…
-რითი დაიღალა? უნამუსო ხარ, ამხელა კაცი ხარ და სად რა უნდა თქვა არ იცი…
-რამ დაგაკომპლექსათ ამ მიშამ? რატომ გამოიწვია შენი განერვიულება, მითხარი? ბიძინას ვერ ვერევით, ვერა…
-რომელ უბანთან იდექი, რომელი ხმა დაიცავი, რა გააკეთე, რომელ იარაღს შეუშვირე შუბლი?
-ნიკა, შტაბიდან არ გამოსულხარ მთელი დღე, არჩევნების დღეს. მიშა უნდა იყოს საქართველოში, მორჩა და გათავდა.
-მიშაზე მეტი მიშისტი ხარ? წადი სახლში, ჭამე რა… ხან ბიძინას აქებ, ხან მიშას, ეს არის ზნედაცემულობა…
კომენტარები